Connect with us

Siasa

Udhaifu wa usimamizi waua elimu ya watu wazima

Published

on

Elimu ya watu wazima ni elimu ambayo hutolewa kwa watu wenye umri mkubwa, lengo la Elimu ya watu wazima ni pamoja ya kujifunza jambo lolote lenye shabaha ya kumwendeleza mwanadamu ili aweze kuyamudu mazingira yake.

Pamoja na hayo nia kubwa ya elimu hii ni kumwendeleza mtu ambaye  hakubahatika kupata elimu ya Msingi.

Kwa Tanzania inaelezwa kuwa mkakati huu ulianza mara baada ya nchi kupata uhuru Mwaka 1961 ambapo suala hili lilipewa kipaumbele lengo likiwa ni kupambana na ujinga, Maradhi na Umaskini.

Taarifa zinaeleza kuwa mpango huu ulifanikiwa kwa asilimia kubwa kupunguza idadi ya watu wasiojua kusoma na kuandika wakati wa Serikali ya awamu ya Kwanza lakini kwasasa inaonekana idadi ya watu wasiojua kusoma na kuandika imeongezeka kwa kasi.

Wakati wa Serikali ya awamu ya kwanza chini ya hayati Mwalimu Julius Kambarage Nyerere idadi ya walimu katika Shule za Msingi na Sekondari ilitosheleza ambapo ilipelekea walimu hao kuweza kufundisha Elimu ya watu wazima.

Kutokana na hali ngumu ya Uchumi kwa sasa na ongezeko la uandikishaji  wanafunzi wa Shule za Msingi kuwa mkubwa kumekuwepo na upungufu mkubwa wa walimu na hivyo kushindwa kufundisha katika madarasa ya elimu ya watu wazima na hivyo madarasa mengi ya elimu ya watu wazima kukosa wawezeshaji.

Kaimu Afisa elimu ya watu wazima katika halmashauri ya manispaa ya Musoma mkoani Mara Mwalimu Fibe Okelo alisema kwasasa elimu ya watu wazima ni kama vile imepuuzwa ikilinganishwa na miaka ya nyuma.

Alisema mwaka 1964 katika mpango wa miaka 5, 10 hadi 20 msisitizo ulikuwa elimu kwa wote na Mwaka 1970 Msisitizo wa elimu ya watu wazima ulitangazwa na Mwalimu Nyerere kuwa suala la kuelimisha watu wazima lilikuwa ni jukumu la kila Mtanzania aliyekuwa anajua kusoma na kuandika tofauti na ilivyosasa.

"Nyakati za Mwalimu kulikuwa na msisitizo mkubwa sana katika suala la elimu ya watu wazima jambo ambalo kila mtanzania aliliona kama linamhusu tofauti na leo kila mtu na mambo yake" alisema Afisa huyo.

Mwalimu Okelo anaendelea kuelezea kuwa juhudi hizo wakati wa mwalimu ziliweza kupunguza idadi ya watu wasiojua kusoma na kuandika kuwa asilimia 6.7 Mwaka 1967 huku Mwaka 1980 idadi ya watu wasiojua kusoma na kuandika ilianza kuongezeka kutokana na vita ya Kagera ambapo idadi iliongezeka hadi kufikia asilimia 9.6 huku kwa sasa idadi hiyo ikiwa imeongezeka hadi kufikia asilimia 31.

Kwa sasa hali ngumu ya Maisha na kiuchumi  imeweza kuzalisha kundi lingine la vijana la wasiojua kusoma na kuandika kutokana na kukosa nafasi ya kuandikishwa darasa la kwanza.

Aidha afisa elimu huyo watu wazima alieleza kuwa kwasasa takwimu za watu wasiojua kusoma na kuandika katika wilaya ya Butiama ni pamoja ana ME 89,396 huku KE 103,501 huku idadi ya watu wasiojua kusoma,kuandika na kuhesabu ikiwa ni asilimia 82 na idadi ya wanakisomo ikiwa ni 3,575.

Akielezea kuhusu sera ya elimu ya watu wazima,Mwalimu Okelo alisema kuwa Sera ya Kisomo chenye Manufaa (KCM) haiwezi kufanikiwa kutokana na viongozi kutotoa kipaumbele katika elimu hiyo bali kwa sasa limebaki jina la kuwepo kwa elimu ya watu wazima (EWW).

Alisema kutokuwepo kwa bajeti ya kutosha katika kuendesha Madarasa na idara hiyo ni tatizo katika mustakabali wa elimu hiyo kwani viongozi wetu hawaoni kama kuna umuhimu katika elimu hiyo.

"Itakuwa kazi sana kufanikiwa katika Elimu ya watu wazima na hii ni kutokana na viongozi kutotekeleza sera ya Elimu ya watu wazima,tunapanga bajeti lakini bajeti hailetwi sasa hapo sisi tutafanya nini" alisema Mwalimu Okelo.

Alisema EWW si mfumo rasmi kama ulivyo mfumo wa elimu wa Moja kwa moja hapa kuna madarasa ambayo wahusika huzalisha na hiyo ndiyo tafsiri sahihi ya EWW kuwa ni kisomo chenye Manufaa.

Mbali na kutokuwepo kwa bajeti lakini pia hakuna vitabu ambavyo vinaendana na sera yenyewe katika kutoa elimu ya watu wazima.Madarasa rasmi na hivyo kusababisha kutoa elimu hiyo katika mfumo usio sahihi.

Katika hatua nyingine imeonekana kuwepo kwa uzembe wa viongozi katika kusimamia na kuhimiza sera ya elimu ya watu wazima kutekelezwa kutokana na kutokuwepo kwa hamasa kwao,mfano katika wilaya Mwenyekiti wa kuhamasisha elimu ya watu wazima ni Mkuu wa wilaya akisaidia na Mkurugenzi lakini viongozi hao pamoja na kuwepo kwa jukumu kubwa katika kufanikisha suala hilo hakuna msumo wowote wanaoutoa katika Jamii au vikao vya Madiwani.

Kaimu Mkurugenzi wa Manispaa ya Musoma Bw Musiranga Muhabi  alisema tatizo kubwa ambalo linasababisha kutofanikiwa katika utekelezaji wa elimu ya watu wazima ni ukosefu wa Bajeti ambao umekuwa tatizo kubwa katika halmashauri.

Alisema mara nyingi bajeti ya elimu ya watu wazima inaunganishwa katika idara ya elimu hivyo fedha zinapokuja huunganishwa katika mfumo wa elimu ulio rasmi kutokana na mahitaji yake hivyo nadhani ingekuwa bora kama serikali ingetenga idara ya elimu ya watu wazima ambayo inajitegemea.

"Kufanikiwa bado nji tatizo kutona na bajeti kuwa ndogo mimi nadhani kama kweli tunataka kufanikiwa katika suala hili ni bora kitengo hiki kingejitegemea ili kuleta ufanisi mkubwa" alisema kaimu Mkurugenzi huyo.

Baadhi ya watu waliosoma elimu ya watu wazima nyakati za serikali ya awamu ya kwanza walisema kwa sasa elimu ya watu wazima ipo kwa sababu isije kuonekana imekufa mikononi mwa watu lakini hakuna ambaye anajali eneo hilo.

Mzee Nyanjofu Majaaliwa alisema kuwa kama sio kisomo hicho leo hasingejua kusoma na kuandika lakini kulingana na sera nzuri iliyokuwepo waliweza kufanikiwa hadi kufikia kufanya kazi kwenye Makampuni wakati huo.

Naye Mwalimu Mstaafu Juma Nyasoro ambaye aliwahi kufundisha madarasa ya Elimu ya watu wazima alisema kuwa wakati wa Serikali ya awamu ya kwanza hayati walimu Nyerere aligundua watanzania hawajui kusoma wala kuandika hivyo hatua za haraka zilihitajika.

Alisema kuwa hata walimu waliokuwa wanajitolea kufundisha Madarasa hayo walikuwa na moyo tofauti na leo walimu wengi wametanguliza Masilahi mbele bila kuangalia athari ambazo jamii inazipata.

"Sisi tulikuwa na moyo wa kujitolea katika kuhakikisha watanzania wanaondokana na tatizo la kutojua kusoma na kuandika tofauti na leo kila mwali mu anatnguliza pesa kwanza" alisema Mwalim huyo Mstaafu.

Katika hatua hiyo Mwalimu huyo Mstaafu alisema kuwa bila kuwepo na msukumo kutoka idara huska elimu ya watu wazima itabaki jina huku akieleza kuwa hajui kama madarasa hayo bado yapo.

Nao baadhi ya wananchi mbalimbali walipata nafasi ya kuhojiwa na mwandishi wa Makala hii walisema kuwa itakuwa kazi kukuza eneo hilo kutokana na Serikali kutoiona kama ina manufaa katika jamii,mmoja wa mwananchi aliyejitambulisha kwa jina la Ally Ramadhani Mkazi wa manispaa ya Musoma alisema kuwa si rahisi kufanikiwa katika eneo hilo kwasasa kutokana na hali ya uchumi ilivyo lakini viongozi kutotoa msukumo katika elimu hiyo.

Alisema kuwa Mamlaka huska zinapaswa kuweka bajeti ambazo zitasaidia katika kukuza na kuendeleza elimu ya watu wazima ili kionekana kuwa na Manufaa tofauti na sasa ambapo idadi ya watu wasiojua kusoma na kuandika inaongezeka na hasa kundi la vijana.

Continue Reading
Click to comment

Leave a Reply

Your email address will not be published. Required fields are marked *

Siasa

Sakata la waraka wa Maaskofu KKKT lang’oka na Msajili Mambo ya Ndani

Published

on

Waziri wa Mambo ya Ndani Mambo ya Ndani, Mwigulu Nchemba amemsimamisha kazi Mkurugenzi wa Idara ya Sheria na Usajili wa Jumuiya za Kidini na Vyama vya Kijamii, Merlin Komba ili kupisha uchunguzi wa barua iliyoandikwa ukilitaka Kanisa la Kiinjili la Kilutheri Tanzania (KKKT) kufuta waraka ilioutoa Machi mwaka huu.

Barua iisambazwa kwenye mitandao ya kijamii ikiitaka KKKT kuufuta waraka wa Pasaka uliotolewa Machi 24 mwaka huu vinginevyo hatua kali za sheria zitachukuliwa dhidi ya kanisa hilo.

Waraka huo uliopewa jina la ‘Taifa letu amani yetu’ ulisainiwa na maaskofu 27 wa kanisa hilo. Ulijikita kujadili masuala ya jamii, uchumi, siasa, katiba mpya na matukio ambayo yako kinyume na kile lilichokiita tunu na misingi ya Taifa.

Akizungumza na wanahabari jijini Dar es Salaam, Waziri Nchemba amesema Serikali haipingani na dhehebu lolote na pale ambapo kuna uhitaji wa kufanyia kazi jambo kuhusu taasisi zilizopo chini ya wizara hiyo taratibu huwa zinatumika kuzungumza na sio kama ilivyofanywa taarifa hiyo inayosambaa.

“Serikali inalinda uhuru wa kuabudu na waumini hivyo huo waraka una maudhui kama matatu, ni barua batili na tunaendelea kuchunguza kama imetengenezwa basi imetengenezwaje, kwani haujapita kwetu.” amesema Waziri Mwigulu.

Kutokana na msimamo huo wa serikali, Waziri Nchemba, amemsimamisha kazi Mkurugenzi wa Idara ya Sheria na Usajili wa Jumuiya za Kidini na Vyama vya Kijamii, Merlin Komba, kupisha uchunguzi wa barua iliyoandikwa kwa maaskofu wa KKKT.

“Hivyo basi, namsimamisha Msajili wa hizo taasisi kupisha uchunguzi na ikithibitika ni za Wizara tuweze kujua maana jambo hilo halijapita kwa Waziri, Katibu Mkuu na wala si maelekezo ya serikali,” amesema.

Hata hivyo, amewatoa hofu viongozi wa dini kutokana na sakata hilo na kuwataka waendelee na majukumu yao huku ikitahadharisha jamii kuwa makini na taarifa zinazosambazwa kwenye mitandao ya kijamii.

“Tunawaomba viongozi wa dini waendelee na kazi zao, nasema jamii iwe macho na taarifa zinazosambaa kwenye mitandao ya jamii na wasifanyie kazi taarifa hizo. Viongozi wa dini wasiwe na taharuki na taarifa hizo, hazina baraka za Serikali na wasisite kuwasiliana na Serikali kujua uhalali wake,” amesema.

Waziri Nchemba amesema waraka wa viongozi wa dini uliotolewa miezi iliyopita ni jambo lililopita na hakukuwa na haja ya kuendeleza malumbano yasiyo na tija kwenye jamii.

Katika waraka wa ujumbe wa pasaka uliosomwa katika makanisa ya Kilutheri kote nchini Tanzania na kusambaa katika mitandao ya kijamii, baraza hilo limeorodhesha mambo kadhaa ambayo wameyataja kuwa ndio tishio la umoja na amani ya nchi hiyo.

Utekwaji wa watu wa hivi karibuni, utesaji, kupotea kwa watu, mashambulizi ya silaha dhidi ya viongozi wa kisiasa, muaji yenye mwelekeo wa kiitikadi, vitisho, ubambikiziaji wa kesi, na matumizi mabaya ya vyombo vya dola dhidi ya wananchi ni baadhi tu ya mambo yaliyotajwa katika waraka huo.

Lakini pia Watanzania wamekuwa na hisia tofauti kuhusu viongozi wa dini kuzungumzia hali ya kisiasa nchini. Waraka wa KKKT ulikuja mwezi mmoja baada ya ule wa maaskofu wa kanisa katoliki ambao nao ulionya juu ya kuminywa kwa haki ya kufanya shughuli za kisiasa kama mikutano ya hadhara na maandamano.

Baada ya nyaraka hizo mbili kutolewa na Maaskofu, baadhi ya mambo yaliyokuwa yakilalamikiwa yalipata ufumbuzi ikiwemo kupungua kwa mauaji na uteswaji wa raia kulikuwa kunafanywa na watu wasiojulikana.

Continue Reading

Jamii

Waziri Mkuu Majaliwa: Hatutangazi nyongeza ya mshahara hadharani kuepusha athari kwa jamii

Published

on

Waziri Mkuu, Kassim Majaliwa ameweka wazi kuwa serikali haitatangaza nyongeza ya mishahara kwa watumishi wa umma hadharani ili kuepusha athari kwa jamii ikiwemo kupanda kwa bei ya bidhaa.

Akizungumza leo Bungeni wakati akijibu swali la Mbunge wa viti maalumu (CHADEMA), Susan Lymo ambaye alitaka kufahamu kwanini Serikali imewanyima au imeshindwa kuwalipa watumishi wa umma nyongeza ya mishahara ambayo ni haki yao ya msingi kulingana na miaka waliyokaa kazini.

Akijibu swali la Mbunge huyo, Waziri Mkuu Majaliwa amesema Serikali ina utaratibu wa kutoa nyongeza ya mishahara kwa watumishi wake lakini haitangazi kwa wananchi wote kama ambavyo imekuwa ikifanyika kwenye sherehe za wafanyakazi za Mei Mosi kila mwaka.

Amesema Serikali ikitangaza mishahara hadharani inaweza kusababisha usumbufu kwa watu wasio watumishi wa umma na inaweza kupandisha bei ya bidhaa na kuathiri mwenendo wa mahitaji ya wananchi sokoni.

Nyongeza za mishahara ambazo zinatangazwa hadharani, mara nyingi zina athari yake sio kwamba Serikali haikusudii kutoa nyongeza ya mshahara kwa mwaka, lakini unapotumia Mei Mosi kutangaza nyongeza ya mshahara unaleta athari kwenye jamii kwasababu vitu vinaweza vikapanda bei, vikawasumbua hata na wananchi ambao hawalipwi mshahara,” amesema Waziri Mkuu.

Amebainisha kuwa siyo lazima Serikali itangaze hadharani kila inapoongeza mishahara kwa watumishi wa umma lakini ifahamike kuwa Serikali ina utaratibu wake mzuri wa kuboresha stahiki za wafanyakazi wake kila mwaka.

Suala la nyongeza ya mishahara liko Serikalini na Mhe Rais ameishawahakikishia wafanyakazi atawaongeza mishahara na sio lazima litangazwe hadharani. Mshahara ni suala la mtu binafsi hata ukiongezwa leo kuwa tumeitangaza leo tumeongeza mshahara kwa kiwango hiki. Ukifanya hivi tayari umeleta kupanda kwa gharama’” amebainisha Waziri Mkuu.

Ameongeza kuwa mkakati wa Serikali ni kupunguza gharama za mahitaji kwenye masoko ili kuzuia mfuko wa bei za bidhaa.

Hata hivyo, Waziri Mkuu Mjaliwa amesema Serikali inaendelea kufanya sensa ya watumishi wote nchi nzima na zoezi hilo likikamilika itaboresha nyongeza ya mwaka, nyongeza ya mishahara na upandishaji wa madaraja.

Awali katika swali lake, Mbunge Lyima amesema Serikali inakiuka Sheria ya Utumishi wa Umma ya kuwapatia watumishi stahiki zao na kuwapunguzia motisha ya kufanya kazi kwa ufanisi katika maeneo yao ya kazi na kuathiri mafao baada ya kustaafu.

Hoja ya Mbunge huyo ni muendelezo wa malalamiko ya watumishi dhidi ya Serikali kwamba hawajapata stahiki zao tangu ilipoanza zoezi la ukakiki wa watumishi wa umma mwaka 2015. Katika zoezi hilo watumishi zaidi ya 9,000 walibainika kutokukidhi vigezo vya utumishi na hivyo kuondolewa kazini.

Huenda kauli aliyoitoa Waziri Mkuu leo Bungeni inaweza ikatofautiana na ile ya Rais John Magufuli aliyoitoa wakati wa sherehe za Mei Mosi, 2018 mijini Iringa ambapo alinukuliwa akisema hawezi kutoa nyongeza ya mishahara akidai Serikali haina fedha.

Kwangu mimi ninafikiria hizi pesa tunazotoa kwa ajili ya elimu bure ni nzuri kuliko fedha hizo kuzipeleka kuongezea mishahara, naona bora kuwapa mikopo wanafunzi wa vyuo vikuu kuliko kuongezea wafanyakazi mishahara,

Nikisema nitaongeza hizo pesa mimi nitazitoa wapi? naogopa kusema uongo. Hata mimi napenda kupandishiwa mshahara lakini kwa hali halisi ya sasa hivi lazima niwaeleze ukweli,” alinukuliwa Rais Magufuli.

Hata hivyo alibainisha kuwa kabla ya kuondoka madarakani ataboresha maslahi ya wafanyakazi wa umma, “Nawaahidi, kipindi changu cha urais hakitaisha kabla sijapandisha mishahara kwa wafanyakazi, kupandisha kwangu haitakuwa kwa shilingi elfu kumi, itakuwa ni kupandisha kwelikwel.”

Continue Reading

Jamii

Maaskofu KKKT wapewa siku 10 kufuta waraka

Published

on

Serikali imetoa siku 10 kwa Kanisa la Kiinjili la Kilutheri Tanzania (KKKT), kuufuta kwa maandishi waraka wao waliotuoa Machi 24 mwaka huu na kisha kuujulisha Umma kwa njia mbalimbali walizotumia kuusambaza.

Kanisa la KKKT kupitia Baraza lake la Maaskofu lilitoa waraka uliopewa jina la ‘Taifa Letu Amani Yetu’ wakati wa Pasaka ambao mbali na masuala ya kiroho, ulibainisha mambo kadhaa yanayogusa mstakabali wa taifa.

Katika mitandao ya kijamii leo imesambazwa barua yenye kumbukumbu no. SO.748/25 inayoonyesha imeandikwa na Ofisi ya Msajili wa Vyama Wizara ya Mambo ya Ndani kwenda kwa Mwenyekiti /askofu Mkuu wa KKKT iliyoandikwa Mei 30, 2018 ikitoa maelekezo ya kufutwa waraka huo ndani ya siku 10 tangu ilipoandikwa barua hiyo.

Ikiwa na kichwa cha habari ‘Ujumbe wa Baraza la Maaskofu wa KKKT’ barua hiyo inaeleza baraza hilo halitambuliki kisheria katika ofisi ya msajili.

“Unaelekezwa kuufuta waraka husika kwa maandishi na kuujulisha umma kuwa taasisi yako haikuwa na haina uwezo kisheria kufanya kile mlichokifanya. Maandishi hayo yaufikie umma wa Watanzania kwa kupitia vyombo vya habari na njia zingine zilezile zilizotumika kuufikisha waraka ule mliouita ‘Ujumbe wa Baraza la Maaskofu KKKT’.

Hata hivyo, barua hiyo imetoa onyo kali kwa taasisi hiyo dini nchi kutekeleza agizo mara moja la sivyo itachukuliwa hatua za kisheria.

“Maelekezo haya yatekelezwe ndani ya siku kumi tangu kupokea kwa barua hii vinginevyo hatua kali zaidi za kisheria zitachukuliwa dhidi ya taasisi hii,” inasema barua hiyo.

Ikumbukwe kuwa  waraka huo ulisainiwa na maaskofu 27 wa kanisa hilo nchini na kutaja baadhi ya mambo hayo kuwa ni pamoja na utekaji, utesaji, kupotea kwa watu, mashambulizi ya silaha dhidi ya viongozi wa kisiasa, mauaji yenye mwelekeo wa kiitikadi, vitisho, ubambikiziaji wa kesi, na matumizi mabaya ya vyombo vya dola dhidi ya wananchi.ni hali ya kijamii na kiuchumi, maisha ya siasa, na masuala mtambuka likiwamo suala la Katiba Mpya.

Waraka uliongeza pia kwamba uhuru wa kujieleza, kutoa na kupokea habari umeendelea kutoweka nchini huku ukionya kubanwa na hatimaye kuelekea kupungua kwa uhuru wa Bunge, Mahakama, na Tume ya Uchaguzi, ukisema hatua hii ni pamoja na kudhoofishwa kwa serikali za Mitaa.

Lakini kabla ya KKKT kutoa waraka wao, Kanisa Katoliki nalo lilitoa waraka kama huo likionya baadhi ya mambo ikiwemo uminywaji wa misingi ya demokrasia ya vyama vingi na uhuru wa kujieleza.

Baada ya kusambaa kwa waraka huo, yalijitokeza mambo mengi ikiwemo kutofautiana na kwa mawazo ya wananchi kuhusu wajibu wa viongozi wa dini katika kutoa ushauri, kuonya au kukemea pale mambo yanapoenda mrama.

Waziri Mkuu, Kassim Majaliwa akiwa na Maaskofu wa KKKT

Hata hivyo, barua hiyo imepokelewa kwa hisia tofauti na watumiaji wa mitandao ya kijamii ikizingatiwa kuwa suala hilo lilijadiliwa na kupita, iweje linaibuka tena wakati huu ambapo kuna utulivu na yale mambo waliyoyapigia kelele na maaskofu  yamepungua ikiwemo kuteswa, kupotea kwa watu na vitisho dhidi ya viongozi wa kisiasa.

 

Wananchi bado wanawaamini viongozi wa dini

Wadau mbalimbali wa masuala ya kijamii wamesema kama kweli barua hiyo imetolewa na serikali, inaweza kuchochea taharuki zaidi kwa waumini wa kanisa hilo na wananchi kwasababu linagusa moja kwa moja imani zao.

Amebainisha kuwa bado waumini wengi wana imani na viongozi wao dini na kwamba yale wanayotamka yanakuwa na nia njema kwa jamii yao. Na katika muktadha huo serikali inapaswa kuwa makini ili kuepusha matatizo zaidi yanayoweza kutokea.

Akizungumza na FikraPevu, Katibu wa Jukwaa la Wahariri Tanzania (TEF), Neville Meena amesema kama serikali ilibaini kuna tatizo kwenye usajili wa Baraza la Maaskofu la KKKT ingekaa na wahusika na kulimaliza kuliko kujitokeza hadharani na kuendeleza jambo ambalo limepita.

“Mimi namwamini Mungu kuliko serikali na viongozi wangu wa dini hasa Maaskofu. Hivyo serikali inapaswa kuwa makini na mambo yanayogusa imani za watu. Katika hili walipaswa kutafakari sana jinsi ya kushughulika nalo. Vinginevyo halina afya kwa ustawi wa taifa letu,” amesema Meena.

Amesema Maaskofu walitimiza wajibu wao wa kuonya kabla mambo hayajaharibika na serikali inapaswa kuyafanyika kazi yale yalyotajwa kwenye waraka au kukaa kimya ili kuepusha migongano isiyo na faida kwa taifa.

Continue Reading

Must Read

Copyright © 2018 FikraPevu.com