Connect with us

Featured

Tume ya Haki za Binadamu yamshukia Kamanda Kamuhanda mauaji ya Mwangosi

Published

on

  • Apingana na Jaji Ihema wa Kamati ya Nchimbi
  • Aikingia CHADEMA kifua

    Jaji Amir Manento

  • Amshushua John Tendwa

Siku moja baada ya kamati iliyoundwa na Waziri wa Mambo ya Ndani kulisafisha jeshi la polisi na mauaji ya mwandishi wa kujitegemea Bw. Daud Mwangosi Tume ya Haki za Binadamu na Utawala Bora imemshukia bila huruma Kamanda wa Polisi Mkoa wa Iringa Bw. Michael Kamuhanda. Baada ya uchunguzi wa kina uliofanywa na tume hiyo yenye jukumu la kikatiba kuangalia suala la haki za binadamu na utawala bure Kamanda Kamuhanda ambaye hadi hivi sasa bado ameachwa kuongoza Mkoa wa Iringa alivunja sheria kadha wa kadha na ni uamuzi wake wa kuingilia mkutano wa CHADEMA ndio ulisababisha mauaji ya mwandishi Mwangosi.

 

Akitoa muhtasari wa ripoti hiyo Jaji Ameir Manento amesema kuwa uchunguzi wa tume yake ambayo imepewa madaraka ya kusimamia utawala bora na haki za binadamu amesema kuwa tukio la mauaji ya Mwangosi “limegubikwa na uvunjwaji wa haki za binadamu na ukiukwaji wa misingi ya utawala bora”

 

Akielezea undani wa tukio hilo Jaji Manento amekitetecha Chama cha Demokrasia na Maendeleo kuwa kilikuwa na haki ya kufanya mikutano yake ya ndani na katazo lililokuwa limetolewa na viongozi mbalimbali akiwemo Msajili wa Vyama vya Siasa lilikuwa ni kinyume na sheria na kanuni za utawala bora. Jaji Manento amesema kuwa CDM kilikuwa kimepata baraka zote za kuendelea na mikutano yake na jukumu la vyomob vya usalama lilikuwa ni kuhakikisha kuwa chama hicho kinapatiwa ulinzi.

 

“CHADEMA ni chama cha siasa ambacho kina usajili wa kudumu. Chini ya sheria ya vyama vya siasa (Cap. 258 RE. 2002), vyama vya siasa vyenye usajili vimeruhusiwa kufanya maandamano na kuwa na mikutano ya kujitangaza baada ya kutoa taarifa kwa “Afisa wa Polisi” wa eneo husika. Baada ya taarifa kutolewa chama husika kinatakiwa kipewe ulinzi na “security agencies” (mawakala wa usalama)” umesema muhtasari wa ripoti hiyo.

 

Taarifa hiyo imefafanua kuwa “ kamanda wa Polisi Mkoa wa Iringa, Michael Kamuhanda tarehe 02/09/2012 katika utekelezaji wa majukumu yake alikiuka Sheria ya vyama vya siasa (Cap 258 RE. 2002) kifungu cha 11(a) na (b) na sheria ya Polisi (Sura ya 322) kwa kuingilia kazi za OCD wa Mufindi na kutoa amri ya kuzuia shughuli za CHADEMA wakati yeye hakuwa “Officer In-charge” wa polisi wa eneo husika. Kwa maana hiyo amri aliyoitoa haikuwa halali kwa kuwa ilitolewa na mtu ambaye hakuwa na mamlaka kisheria kutoa amri hiyo. Haya ni matumizi mabaya ya mamlaka, hivyo ni ukiukwaji wa misingi ya utawala bora”.

 

Kimsingi Tume hii ya kudumu inamtaja Bw. Kamuhanda kama mhusika mkuu wa usababishaji wa mauaji ya Mwangosi na kuwa kutokana na uvunjaji wa wazi wa sheria vyombo vilivyojuu yake vinatakiwa kumchukulia hatua ikiwemo kuondolewa kazini na kufikishwa mahakamani kwa matumizi mabaya ya madaraka. Ni yeye aliyetoa amri ya kulipua mabomu ya machozi eneo lile, ambalo mojawapo ndilo linalodaiwa kumlipua Bw. Mwangosi. “RPC aliamuru kupigwa kwa mabomu ya machozi ili kuwatawanya wananchi waliokusanyika katika ofisi za tawi hilo la CHADEMA” amesema Jaji Manento.

 

Pamoja na hilo Tume ya Haki za Binadamu imekaripia vikali uamuzi wa Msajili wa Vyama vya Siasa Bw. John Tendwa kutoa maagizo ya kuingilia shughuli za kisiasa wakati hana mamlaka hayo. “hatua ya Msajili wa vyama vya siasa, Mhe. John Tendwa kuwaandikia barua viongozi wa vyama vya siasa kuwataka kusitisha shughuli zao kwa sababu ya sensa ilikiuka misingi ya utawala bora kwani maelekezo yaliyotolewa ndani ya barua hizo yanakinzana na sheria ya takwimu Na. 1 ya mwaka 2002 inayotoa fursa kwa wananchi kuendelea na kazi zao wakati wa sensa pia ni kinyume na sheria ya vyama vya siasa (Cap 258 RE. 2002) Kifungu cha 11(a) na (b) inayotoa fursa kwa vyama vya siasa kufanya shughuli zake bila ya kuingiliwa.” Imesema taarifa hiyo fupi.

 

Bila kuuma maneno tume hiyo ambayo inaongozwa na miongoni mwa majaji wenye kuheshimiwa sana nchini na ambaye wapigania haki za kiraia wanamtambua kama kinara wa haki za kiraia katika mahakama amesema kuwa haki za msingi za raia kupata habari na kufanya mikutano yao iliingiliwa na vyombo vya dola na hivyo kuvunja misingi ya utawala bora. Jaji Manento amesema kuwa “Haki hii imekiukwa kwa kiasi kikubwa na Jeshi la Polisi katika tukio la Nyololo Mufindi kwa kuwa waandishi wa habari na wafuasi wa CHADEMA walizuiwa na Polisi kufanya shughuli zao za kupata habari na za kisiasa. Huu ni ukiukwaji wa misingi ya utawala bora kwa kuwa hali hiyo inazorotesha au inafifisha uhuru wa habari.”

 

Tume katika baadhi ya mapendekeo yake imekitaka CDM kutii maagizo ya serikali na kuwa “Pale wanapogundua kuwa pana uonevu au upendeleo ni vyema busara ikatumika ili kuepusha madhara makubwa yanayoweza kutokea”. Vile vile aliliasa Jeshi la Polisi pamoja na Msajili wa Vyama vya Siasa kuchukua maamuzi bila kuonekana inapendelea baadhi ya vyama na kutolea mfano kuwa wakati CDM walitakiwa kutii uamuzi wa kuzuia mikutano jeshi la polisi liliacha mkutano wa CCM huko Bububu uendelee. “Jeshi la Polisi na Msajili wa Vyama vya Siasa waepuke kufanya maamuzi au matendo yanayoibua hisia za ubaguzi au upendeleo miongoni mwa jamii wakati wanapotekeleza majukumu yao ya kisheria” amesema Jaji Manento.

 

Ripoti ya Jaji Manento imekuja siku moja tu baada ya Kamati iliyoundwa na Waziri wa Mambo ya Ndani Bw. Emmanuel Nchimbi kulisafisha jeshi la polisi na kurushia lawama Chama cha Demokrasia na Maendeleo. Kamati hiyo ambayo ilipingwa na CDM mapema iliongozwa na Jaji Ihema huku ikihusisha jeshi la polisi, vyombo vya habari na JWTZ. Ripoti ya Jaji Ihema imepokelewa kwa kebehi na wananchi wengi hasa baada ya kukwepa kujibu maswali ya msingi huku Waziri Nchimbi akieleza kuwa ripoti hiyo inayo mambo ambayo yanaweza kumsaidia mtuhumiwa wa mauaji ya Mwangosi kuwa huru.

 

Vyanzo vya ndani vya kuaminika toka Tume ya Haki za Binadamu vinadokeza kuwa Jaji Manento alikasirishwa sana na ripoti ya Kamati ya Nchimbi ambayo aliona imetumiwa kisiasa kulisafisha jeshi la polisi. “Ripoti ya Jaji Manento ilikuwa itolewe kama wiki mbili kuanzia sasa kwani ilikuwa bado inaandikwa kitaalamu kama ilivyo kawaida yake” amedokeza mmoja wa watu wa karibu na tume hiyo. “Baada ya kusoma ripoti ya Ihema uamuzi ulichukuliwa na Jaji Manento kuharakisha kutoa muhtasari wa ripoti yake ili kuhakikisha kuwa taarifa za kamati ya Nchimbi hazitumiwi vibaya kuwasafisha watu” amesema mpashaji habari wetu.

Na. M. M. Mwanakijiji na Waandishi wa Fikra Pevu

Continue Reading
2 Comments

2 Comments

  1. mwambungu

    15/10/2012 at 6:30 pm

    kwanza niipoe pole familia ya barlow kwa yaliyotokea, Mungu ailaze roho ya marehemu Barlow pema peponi amin, hapa ndipo tulipofika kama taifa uhai wa binadamu hauna Thamani kabisa kwa muuaji, lakini cha kusikitisha muuaji anasahau kwamba na yeye ni wa kufa tu hata angekuwa na hali bora kiasi gani.

    Jeshi la Polisi kwa sasa lisiwaruhusu viongozi wa juu wa jeshi hilo kuwa peke yao bila walinzi wao kwa wakati woote wanapokuwa nje amaa ya ofisi au hata kwenye mambo yao binasfi ili kuwepo ulinzi kwa muda wote hii itasaidia kuwafanya wawe salama kwa muda woote.

  2. ASM

    20/10/2012 at 11:01 pm

    HIVI HII TUME YA HAKI ZA BINADAMU NA UTAWALABOBA ILIKUWEPO AU IMEPEWA MENO BAADA YA KUUNDWA VYAMA VINGI VYA SIASA HAKI ZA BINADAMU ZIMEVUNJWA SANA TANZANIA JE VIKONGWE WENYE MACHO MEKUNDU WAMEUAWA KUANZIA LINI KAMA SI TOKA AWAMU YA KWANZA YA UONGOZI KWELI TUME MUNAWEZA KUTHUBUTU KUSEMA MULIKUWA MUMEZALIWA AU MIMBA ILIKUWA HAIJATUNGWA.WATANZANIA WENGI WAMECHUNWA NGOZI WAKAUAWA HIVI NI LINI ANGALAU MULIKEMEA TU HIVI KATI YENU KUNA AMBAYE ANA DINI ANAMWABUDU NANI? AWMU YA TATU YA UONGOZI UJAMBAZI ULIKITHIRI WATU WALIDHALILISHWA WALIVULIWA NGUO NA MAJAMBAZI WENGINE WALIUAWA JE KUNASIKU MULIISAIDIA SERIKALI HATA KUWAKEMEA MAJAMBAZI AU MULISHIRIKI KUMSINGIZIA MUNGU KATOA NA KATWAA JINA NAMUNGU LIHIMIDIWE ,AWAMU YA NNE MAUAJI YA ALIBINO YALIKITHIRI NI KAMA VILE NA NYINYI MULIHALALISHA UKIPATA KIUNGO CHA ALIBINO NI UTAJIRI NINAWAOMBA LABDA IUNNDWE TUME NYINGINE NYINYI MUSITHUBUTU KUWAZUNGUMZIA ALIBINO MPAKA ALIKUJA ALIBINO ANI KUSUTA WATANZANIA SASA MAUAJI YA KIDINI YANANUKIA HIVI MUNAYO CV YA KUYAKEMEA YAANI MUMEFULIA HEBU JIUZULUNI TENA HARAKA WANAFIKI WAKUBWA KUZIMU KUMEJAZANA WATANANIA WENGI WALIODHULUMIWA UHAI WAO KUTOKANA NA UZEMBE WENU

Leave a Reply

Your email address will not be published. Required fields are marked *

Featured

UJASUSI: Jinsi kijana wa kiume kutoka New Zealand alivyojaribu  kumuua Malikia Elizabeth II

Published

on

Shirika la Ujasusi la New Zealand  (SIS) limethibitisha kwa mara ya kwanza kwamba kulikuwa na jaribio la kumuua Malikia Elizabeth II wakati alipotembelea jiji la Kusini la Dunedin mwaka 1981.

Jaribio hilo la kumuua Malikia linalodaiwa kutekelezwa na kijana wa kiume limechochea hamasa ya polisi kutaka kujua ni kwa kiasi gani wanausalama hao walifanikiwa kuzima njama hizo.

Taarifa iliyotolewa na SIS  zinaonesha kuwa kijana huyo, Christopher Lewis (17) alipiga risasi kuelekea kwa Malikia wakati akishuka kwenye gari lake ambapo alikuwa anaenda kushuhudia Maonyesho ya Sayansi yaliyofanyika Oktoba 14, 1981 katika jiji hilo. Tukio hilo lilitokea akiwa katika ziara ya siku 8 kutembelea nchi wanachama wa Jumuiya ya Madola.

“Lewis alidhamiria kumuua Malikia, hata hivyo hakuwa katika nafasi nzuri ya kurusha risasi, hata silaha iliyotumia haikuwa katika umbali wa kuweza kumfikia mhusika,” imesema taarifa iliyotumwa SIS kwa vyombo vya habari.

Lewis ambaye anatajwa kwenye taarifa ya ujasusi kama ‘kijana msumbufu’ hakuhukumiwa kwa jaribio la kutaka kuua au kosa la uhaini. Tukio hilo lilifanywa kuwa siri ili kuzuia sifa mbaya kwa nchi (New Zealand) ambayo ilitembelewa na mgeni wa heshima. Badala yake Lewis alihukumiwa kwa kumiliki silaha kinyume na sheria na kufyatua risasi.

                       Malikia Elizabeth II akiwa ameambatana na walinzi wake alipotembelea New Zealand

Inaelezwa kuwa watu waliohudhuria tukio la kuwasili kwa Malikia walisikia mlio wa risasi lakini Polisi waliokuwa wanasimamia usalama katika eneo hilo la Dunedin waliwaambia kuwa ilikuwa ni sauti ya kuanguka kwa kitu au magari kugongana.

“Uchunguzi wa sasa wa polisi juu milio iliyosikika umefanywa kwa umakini na wawakilishi wa vyombo vya habari wamepata mrejesho kuwa kelele zilisababishwa na baruti”, inaeleza ripoti kutoka SIS iliyotolewa mwaka 1981 baada ya kutokea tukio hilo.

Kulingana taarifa za ujasusi zinaeleza kuwa polisi wamekuwa wakifuatilia nyendo za Lewis tangu 1986 ambapo Malikia alitembelea tena New Zealand wakiogopa kuwa anaweza kutekeleza tena uhalifu huo. Kuwekwa wazi kwa siri hiyo kumewaibua polisi ambao wameanza kuchunguza upya kesi hiyo.

Zaidi ya muongo mmoja uliopita, Lewis alihukumiwa kwa mauaji ya mwanamke mmoja katika mji wa Auckland na kumteka mtoto wa kike ambapo baadaye alimtupa karibu na kanisa.

Kulingana na taarifa mbalimbali za wakati huo zinaeleza kuwa Lewis alijidhuru kwa umeme akiwa gerezani mnamo 1997 akisubiri hukumu ya kuua. Lakini alikana mashtaka ya kuua kwa ujumbe mfupi wa kifo (suicide note).

New Zealand ilipata uhuru mwaka 1947 kutoka kwa Uingereza lakini inamuheshimu Malikia kama kiongozi wa taifa. Ameitembelea nchi hiyo kama Malikia mara 10 na mara ya mwisho ilikuwa 2002.

Continue Reading

Featured

FREEDOM HOUSE: Tanzania ina uhuru kiasi, kufungiwa vyombo vya habari, kuzuia mikutano ya kisiasa kuididimiza kwenye nchi zisizo na uhuru kabisa

Published

on

Ripoti mpya iliyotolewa na taasisi huru ya Freedom House imesema misingi ya demokrasia ikiwemo uhuru wa vyombo vya habari na haki ya kukusanyika imeendelea kudhoofika nchini Tanzania na hali hiyo isiporekebishwa itaingia kwenye kundi la nchi zisizo na uhuru kabisa duniani.

Kulingana na  Freedom House  ambao walichambua data katika nchi 195 za ulimwenguni katika mwaka 2017 wamebaini kuwa nchi 88 zina uhuru,  58 zimejumuishwa kwenye kundi la nchi zenye uhuru kiasi huku 48 zikiwekwa kwenye kundi la nchi zisizo na uhuru kabisa.

Ripoti hiyo imebainisha kuwa misingi ya demokrasia ikiwemo uchaguzi usio huru na haki, uhuru wa kujieleza umeendelea kushuka kwa mwaka wa 12 mfufululizo duniani kote. Miongoni mwa matokeo yaliyostaajabisha ni kudhoofika kwa  Marekani ambayo ni mama wa demokrasia kutokana na uchunguzi unaofanywa na Mwendesha Mashtaka Maalumu kuhusu Urusi kuingilia uchaguzi mkuu wa mwaka 2016 ambao ulimpa ushindi Rais Donald Trump.

Tanzania imewekwa kwenye nchi 88 ambazo zina uhuru kiasi lakini inatahadharishwa kuwa inaweza kuingia kwenye nchi zisizo na uhuru kabisa. Tahadhari hiyo inatokana na mwenendo wa viongozi wa serikali kufungia vyombo vya habari, kuzuia mikutano ya hadhara ya vyama vya siasa, kushtakiwa kwa watumiaji wa mitandao ya kijamii kwa tuhuma za uchochezi na kukamatwa kwa wapinzani wa kisiasa ambao wanakosoa na kutoa mawazo yanayotofautiana na serikali.

Pia utekelezaji wa Sheria ya Takwimu ya mwaka 2015, Sheria ya Huduma ya Habari ya mwaka 2016 na Sheria ya Makosa ya Mtandao  ya mwaka 2015 umekuwa ukilalamikiwa na wadau wa maendeleo kuwa ni mkakati wa kudhoofisha uhuru wa kutoa maoni, uwazi na uwajibikaji.

Kituo cha Sheria na Haki za Binadamu (LHRC) nchini hivi karibuni kilitoa tamko la tathmini ya uchaguzi mdogo wa marudio wa kuchagua madiwani uliofanyika katika kata 43 kwenye mikoa 19 ya Tanzania  Novemba 24 mwaka jana ambapo kilibaini mambo mbalimbali ya ukiukwaji wa haki za binadamu.

Tathmini hiyo iliibua mambo mbalimbali ikiwemo matumizi mabaya ya nguvu ya vyombo vya dola, matukio ya watu kutekwa na watu wasiojulikana, watu kupigwa, kujeruhiwa  kwa lengo la kuharibu na kuvuruga uchaguzi  na vilevile kuwatia hofu wapiga kura.

 

Afrika Mashariki hali bado tete

Tanzania inaungana nchi nyingine za Afrika Mashariki ikiwemo Kenya na Uganda ambazo nazo zimewekwa kwenye kundi la nchi zenye uhuru kiasi huku za Rwanda, Burundi na Sudan ya Kusini zimejumuishwa kwenye nchi zisizo na uhuru kabisa.

Awali Uganda ilikuwa kwenye nchi zisizo na uhuru kabisa lakini imepanda hadi kwenye uhuru kiasi kwasababu ya  kuimarika kwa tasnia ya habari na utashi wa wanahabari, blogu na  uhuru wa wananchi kutoa maoni yao licha ya mazingira ya kisiasa kuminywa na utawala wa muda mrefu wa Rais Yoweri Museveni.

Rais Museveni mwenye umri wa miaka 73 amekuwepo madarakani  tangu 1986 amefanikiwa kubadilisha sheria  ya ukomo wa umri wa miaka 75 wa kugombea urais ambapo atapata fursa ya kugombea tena mwaka 2021. Chaguzi nchini Uganda zimekuwa zikitawaliwa na vurugu za polisi na wananchi, kuzimwa kwa intaneti na kuwekwa kizuizini kwa viongozi wa upinzani ikiwemo Kizza Besigye wa chama cha Forum for Democratic Change.

Kwa upande wa Kenya ambayo imekuwa ikisifika kwa kuimarisha misingi ya demokrasia katika ukanda wa Afrika Mashariki ambapo kwa mara ya kwanza mahakama ilifanikiwa kubatilisha matokeo ya uchaguzi wa Urais yaliyompa ushindi Rais Uhuru Kenyatta uliofanyika Agosti 2018. Uchaguzi ulirudiwa na Rais Kenyatta alichaguliwa tena.

Marudio ya uchaguzi yalilamikiwa na baadhi ya wachambuzi wa masuala ya kisiasa kuwa hayakuzingatia haki za binadamu ambapo watu ambao walipinga uchaguzi huo walikumbana na mkono wa dola. Matendo hayo ndiyo yaliiweka Kenya kwenye kundi la nchi zilizo na uhuru kiasi.

Burundi na Sudan Kusini zimewekwa kwenye kundi la nchi zisizo na uhuru kabisa kutokana na mapigano ya kikabila ambayo yamedhoofisha mfumo wa kisiasa wa kuongoza nchi. Vyombo vya habari na wananchi wanaotoa maoni tofauti na serikali wamekuwa wakiteswa, kufungwa na kuuwawa.

Chanzo: Freedom House           – Nchi zisizo na  uhuru  – Nchi zenye uhuru     – nchi zenye uhuru kiasi   

 

Hali ilivyo Afrika

Afrika kama zilivyo nchi za Afrika Mashariki hali ya demokrasia siyo ya kuridhisha ikizingatiwa kuwa asilimia 11 ya wakazi wapatao bilioni 1.02 wa bara hilo ndio wana uhuru wa kweli, huku 52% wana uhuru kiasi na 37% hawa uhuru kabisa.

Ripoti ya Freedom House inaeleza kuwa waliangazia nchi 49 za Afrika na kugundua kuwa nchi 8 (18%) ndio zina uhuru wa kweli, nchi 22 (43%) zina uhuru kiasi na 19 (39%) hazina uhuru kabisa. Nchi zinazotajwa kuwa na uhuru ni Afrika Kusini, Namibia, Botswana, Ghana, Togo, Senegal na Kisiwa cha Sao Tome.

 Sababu ya nchi nyingi za Afrika kuwepo kwenye kundi la zisizo na uhuru ni matokeo ya viongozi kukaa madarakani muda mrefu, vurugu za kisiasa na kikabila ambazo zimekuwa zikihatarisha haki za binadamu.

 

Demokrasia ya Dunia

Demokrasia ya dunia inakabiliwa na mzozo mkubwa wa kisiasa kuliko wakati mwingine ambapo mwaka 2017 ulishuhudia ukiukwaji mkubwa wa haki za binadamu ikiwemo kuminywa kwa  uchaguzi huru na kweli, haki za watu wachache, uhuru wa kujieleza, utawala wa sheria.

Nchi 71 kati ya 195 zimeshuhudiwa zikiteteleka katika kulinda haki za kisiasa na jamii ambapo ni nchi 35 tu ndizo zimeweza kulinda haki hizo. Kudhoofika kwa demokrasia kunaendelea kushuka kwa miaka 12 mfululizo na hatua muhimu zisipochukuliwa amani ya dunia itawekwa rehani.

Marekani ambayo ni bingwa wa demokrasia duniani nayo imeripotiwa na taasisi ya Freedom House kudhoofika katika kulinda haki za kisiasa na kijamii na kuzua mgongano wa mawazo miongoni mwa nchi zinazoibukia katika kujenga demokrasia ya dunia.

Tangu kuisha kwa vita baridi, nchi nyingi ziliachana na utawala wa kiimla na kugeukia demokrasia ya vyama vingi lakini hali hiyo imeanza kujitokeza tena ambapo idadi ya viongozi wanaoongoza kwa udikteta inaongezeka.

 

Uhuru wa nchi moja unategemea uhuru wa nchi zote

Demokrasia itabaki kuwa tunu muhimu kwa jamii zilizostaarabika, ikifungua milango ya uwazi, mawazo na fursa mpya na zaidi ya yote kulinda uhuru wa mtu mmoja mmoja. Ikiwa watu duniani kote wanadai mazingira mazuri ya kisiasa ni dhahiri wanakumbatia misingi ya demokrasia: uchaguzi huru, uhuru wa kujieleza, uwazi na uwajibikaji wa serikali, utawala wa sheria ambao hauingiliwi na polisi, jeshi au taasisi nyingine za nchi.

Hata hivyo, Karne ya 21 imeshuhudia ugumu wa kuifanya demokrasia kuwa endelevu ambapo baadhi ya nchi zinatekeleza lakini zingine zinapuuza. Utawala wa kidekteta wa Urusi na China unatambua wazi ili uendelee kuwepo unahitaji kuimarisha demokrasia katika nchi nyingine ili ziendelee kufaidika na mahusiano ya kidiplomasia. Ukuaji wa  demokrasia ni kulinda haki za watu wote duniani kupitia utandawazi   

Continue Reading

Afya

Is Tanzania’s Adolescent Fertility Rate Three Times Higher Than Global Counterparts?

Published

on

The Comprehensive Community-Based Rehabilitation in Tanzania (CCBRT), an organization ​which works to provide affordable medical and rehabilitative services for mothers and newborns throughout Dar-es-Salaam, marked World Contraception Day on September 26 with a call for more efforts to meet the reproductive health needs of teens between 15 and 19 years old.

The report highlights a worrying statistic — Tanzania’s adolescents are having almost three times as many children on average as their global counterparts, with 135 births per 1000 girls reported in the country, compared to an average of 44 per 1000 girls aged 15–19 worldwide in 2015.

CCRBT attributes the high adolescent fertility rate to a lack of access to contraceptive services, with Technical Advisor for Nursing Bola Abbas saying, that only about 8 per cent of current family planning clients are between the ages of 15 to 19.

On a national scale, Abbas explains, demand for family planning among adolescent girls is still very low, with only one out of every three of those who are sexually active within the 15 to 19 age group using modern contraceptive methods.

So the question is, how does Tanzania’s adolescent fertility rate compare to that of the rest of the world?

Pesacheck investigated the claim that Tanzanian adolescents are having three times as many children as their peers in the rest of the world and found that the statement is TRUE for the following reasons:

Tanzania’s adolescent fertility numbers are rather high, with 4.4% of girls aged 15 having given birth according to the country’s Demographic and Health Survey.

The Sustainable Development Goals call for countries to ensure universal access to sexual and reproductive healthcare services, including family planning, information and education, and the integration of reproductive health into national strategies and programmes by 2030.

The indicators for this goal are the proportion of women of reproductive age (15–49 years) who have their need for family planning satisfied with modern methods, and the adolescent birth rate (10–14 years and 15–19 years) per 1,000 women in that age group.

For several sub-Saharan countries, Tanzania included, access to modern family planning methods is low for this particular age group, and as a result, the regional average is 105 births per 1,000, which is more than double the global average.

Tanzania’s National Bureau of Statistics produced a national fertility and nuptiality report based on data from the 2012 national census, which shows that Adolescent Fertility Rate (AFR) was 81 births per 1,000 women aged 15–19.

The report further shows that in 2012, 23.3% of adolescent girls in the country had given birth to at least one child. Additionally, 42.2% of girls who had never attended school had given birth, compared to just 9% of those who had reached university.

This shows that there is a need for contraceptive access for teenage girls in Tanzania, especially for girls in rural areas and those with limited access to education.

The Tanzania Demographic and Health Survey 2015–16 indicates that 27% of girls aged 15–19 have given birth. Crude birth rates for girls aged 15–19 show that there 135 births per 1,000 girls in Mainland Tanzania and 132 per 1,000 girls in Zanzibar, way above the global average of 44. The data also shows that contraceptive access for this age group is also quite low, with 10.4% of girls aged 15–49 using any form of contraception.

It would therefore appear that the lack of access to contraceptives is contributing to the increased likelihood of adolescent girls getting pregnant.

So the claim by CCBRT that Tanzania’s adolescent fertility rate is almost three times the global average is TRUE. This is driven largely by a lack of access to contraceptives for young people in the 15–19 age group, and the relatively high levels of poverty that have driven many out of school and into early marriage.

As a result, the country is unlikely to meet the Sustainable Development Goal of overall good health and wellbeing of mothers unless it puts measures in place to ensure universal access to sexual and reproductive health-care services for girls and women of all ages.

Do you want us to fact-check something a politician or other public figure has said about public finances? Complete this form, or reach out to us on any of the contacts below, and we’ll help ensure you’re not getting bamboozled.

This report was written by PesaCheck Fellow Belinda Japhet, a Communications Consultant, Online Editor based in Tanzania. The infographics are by PesaCheck Fellow Brian Wachanga, who is a Kenyan civic technologist interested in data visualisation. This report was edited by PesaCheck Managing Editor Eric Mugendi.

Continue Reading

Muhimu Kusoma

Copyright © 2018 FikraPevu.com