Connect with us

Featured

Shule ya Msingi Ndonga: Mtihani wa Taifa hubebwa kichwani, Haijawahi kukaguliwa tangu mwaka 1995

Published

on

NI safari ya siku mbili  kutoka mjini Songea makao makuu ya mkoa wa Ruvuma hadi kuweza kuifikia shule ya msingi Ndonga iliyopo wilayani Nyasa mwambao mwa ziwa Nyasa.

Basi linaishia katika mji mdogo wa Liuli, Ziwa Nyasa na kutoka hapo inakulazimu kukodi pikipiki hadi katika kijiji cha Njambe kata ya Kihagara ambapo ndiyo mwisho wa usafiri wa pikipiki na kuanzia hapo inakulazimu kutembea kwa miguu kwa takribani saa moja hadi kukifikia kijiji cha Ndonga!

Shule ya msingi Ndonga imejengwa juu ya mlima wa Liwundi, unapofika katika kijiji cha Ndonga inakulazimu kupanda mlima wenye mwinuko mkali wenye makorongo kwa takriban zaidi ya saa moja hadi kufika kileleni ndipo unakutana na shule hii.

Asilimia 90 ya wanafunzi wanaosoma katika shule ya msingi Ndonga wanaishi chini ya mlima hivyo inawalazimu kwa siku tano yaani Jumatatu hadi Ijumaa kupanda  na kushuka mlima kwa saa mbili hali ambayo imesababisha shule hiyo kukabiliwa na utoro uliokithiri wa wanafunzi ambao unafikia kwa siku kati ya asilimia 60 hadi 70.

Wanafunzi wa darasa la tatu katika shule ya msingi Ndonga wilayani Nyasa mkoani Ruvuma wakisomea darasa ambalo halijaezekwa kwa mwaka mmoja sasa mvua na jua vikiwakabili

Akizungumza kwa niaba ya mwalimu mkuu, mtaaluma wa shule ya msingi Ndonga Amos Kilongo anasema shule hiyo inakabiliwa na changamoto nyingi ambazo zinachangia kushusha taaluma kwa wanafunzi mwaka hadi mwaka na kwamba hakuna juhudi zozote zinazofanywa na serikali ya kijiji wala ngazi ya wilaya kuzitafutia ufumbuzi changamoto hizo.

“Nakupongeza sana kwa kuweza kupanda mlima wenye muinuko mkali na kufika hapa shuleni, hatujawahi kupokea wageni kutoka ngazi ya wilaya tangu shule hii ilipoanzishwa mwaka 1995, shule haijawahi kukaguliwa tangu mwaka 1995 ilipokaguliwa wakati inaanzishwa’’, alisisitiza.

Sera ya elimu inaeleza wazi kuwa kila shule ya msingi inatakiwa angalau ikaguliwe kila mwaka kwa lengo la wakaguzi kuwakumbusha walimu na kutoa mwongozo wa ufundishaji wenye tija na uendeshaji wa shule kulingana na maelekezo ya wizara ya elimu.

Robo tatu ya wanafunzi 309 wanaosoma katika shule ya Ndonga hawana viatu hali ambayo inawaathiri kiafya kwa kuwa wanaingia katika vyoo bila kuvaa viatu

Kulingana na mwalimu wa shule ya Ndonga, shule hiyo yenye wanafunzi 309 wanaosoma kuanzia darasa la awali hadi la saba inakabiliwa na upungufu mkubwa wa vyumba vya kusomea hali inayosababisha darasa la awali lenye wanafunzi 37 kusomea chini ya mti.

Anabainisha kuwa shule hiyo ina vyumba vinne tu vya madarasa hali ambayo imesababisha madarasa mawili kusomea katika chumba kimoja na kwamba kuna madarasa mawili ambayo yameezuliwa na upepo kwa zaidi ya mwaka mmoja hayajaezekwa hali ambayo inasababisha wanafunzi kusomea huku wakipigwa na jua na mvua.

“Mazingira duni ya kujifunzia yaliopo katika shule hii yamesababisha utoro wa wanafunzi kufikia kati ya asilimia 60 hadi 70 kwa siku,walimu tunafanyakazi katika mazingira magumu, shule ina nyumba moja tu ya mwalimu mkuu yenye vyumba vitatu ambayo tunaishi   walimu  watatu na familia zetu, mimi nimeamua kuishi jikoni kwa kuwa mwalimu mkuu ana familia kubwa hali ni mbaya’’, alisema kwa uchungu.

Haya ni majengo ya vyumba viwili vya madarasa katika shule ya msingi Ndonga wilayani Nyasa ambavyo viliezuliwa na kubomoka tangu mwaka jana,wanafunzi wamekuwa wanasomea huku wakipigwa na jua

Mwalimu wa taaluma katika shule hiyo Amos Kilongo anasema hali ni mbaya kutokana na mazingira duni yaliyopo katika shule hiyo ambapo takwimu za ufaulu kuanzia mwaka 2007 hadi 2011 zinathibitisha kiwango cha ufaulu kuwa chini ambapo shule hiyo hivi sasa ina wanafunzi 50 wasiojua kusoma, kuandika na kuhesabu.

Mwaka 2011 wanafunzi waliohitimu darasa la saba katika shule hiyo walikuwa ni 29 waliofaulu ni wanafunzi watano (5) kati yao wavulana ni  wanne na msichana mmoja, mwaka 2010 waliohitimu walikuwa ni 24, waliofaulu ni wavulana wawili tu, mwaka 2009 waliohitimu walikuwa wanafunzi 32, waliofaulu ni wanane kati yao wavulana watano na wasichana watatu, mwaka 2008 waliohitimu walikuwa 60 waliofaulu 48 kati yao wavulana 22 na wasichana 26.

Hata hivyo anabainisha kuwa mwaka 2007 katika shule hiyo hapakuwepo na wanafunzi wa darasa la saba kutokana na wanafunzi wachache waliofaulu darasa la nne ambao waliunganishwa na darasa la tatu hivyo kuwa wanafunzi 60 waliohitimu mwaka 2008.

“Kutokana na mazingira duni ya shule hiyo ikiwemo kijiji kukosa barabara ya kuweza kupita gari, kila mwaka wakati wa mitihani ya Taifa ya darasa la saba shule hiyo imepewa masafa (route) maalum ambapo gari la mitihani linaishia katika kijiji cha Njambe na baada ya hapo mkuu wa msafara mlinzi pamoja na msimamzi  wanabeba mitihani kichwani na kutembea kwa zaidi ya kilometa saba hadi juu la mlima ambapo ipo shule hii’’, alisema.

Walimu watano wote wanaume wanaofundisha katika shule hii wakiwemo Gorge Mbapira, Joel Makelele, Amos Kilongo Edward Msuya na Atanas Mhagama wamekata tamaa kuendelea kufundisha katika mazingira duni ambayo yanawakosesha huduma zote muhimu ikiwemo mawasiliano, afya, usafiri, maduka na huduma zote muhimu.

Mratibu elimu kata ya Kihagara Severine Ngwenya anasema shule ya Ndonga licha ya kupewa fedha za mpango wa uboreshaji wa elimu ya msingi MMEM mwaka 2002 hadi 2005 bado mazingira ya shule hiyo ni duni kwa kuwa hakuna chumba hata kimoja cha darasa ambacho kimepigwa sakafu badala yake wanafunzi wanasomea kwenye vumbi.

David Mkali afisa elimu wilaya ya Mbinga ambaye anasimamia wilaya mpya ya Nyasa mkoani Ruvuma

“Hali ya shule ya Ndonga kwa ujumla wake ni mbaya na haifai kwa kufundishia na kujifunzia, shule haifikiki kwa gari wala pikipiki bali kwa mguu unapanda mlima kwa saa mbili, hata wilayani hawajawahi kufika katika shule hiyo’’, alisema.

Edward Ndunguru afisa mtendaji wa kijiji cha Ndonga anaitaja mikakati ambayo inachukuliwa hivi sasa na kijiji hicho ni kufyatua tofali 200,000 hata hivyo tofali zilizofyatuliwa ni 60,000 ambazo zitatumika kwa ajili ya kuongeza vyumba vya madarasa na nyumba za walimu katika shule hiyo.

Mbunge wa jimbo la Mbinga mashariki Kapt. John Komba ambaye shule hiyo ipo katika jimbo lake amekiri kijiji cha Ndonga kuwa ni miongoni mwa vijiji ambavyo vinamsumbua kichwa, hata hivyo amesema yupo tayari kusaidia kutoa vifaa vyote vya ujenzi wa shule hiyo  iwapo wananchi watakubali kuihamisha shule kutoka mlimani na kuijenga eneo  linalofikika kirahisi.

Afisa elimu msingi katika Halmashauri ya wilaya ya Mbinga David Mkali ambaye anawajibika katika wilaya ya Nyasa amesema ameandaa takwimu za mapungufu mbalimbali yaliyojitokeza katika shule za msingi ikiwa ni pamoja na upungufu wa vyumba vya madarasa, madawati, walimu na nyumba za walimu kisha kuweka mpango mkakati wa kukabiliana na matatizo hayo.

“Natambua changamoto zinazoikabili shule ya msingi Ndonga, kijiografia shule hiyo haifikiki hali ambayo inasababisha wakaguzi kushindwa kwenda kuikagua kila mwaka hata wakati wa mitihani inakuwa na route maalum, shule kuihamisha toka mlimani ni gharama kubwa sio jambo rahisi inawezekana ukawa mpango wa muda mrefu’’, alisema Afisa elimu.

Afisa elimu huyo ameitaja mikakati mingine ya kuinua kiwango cha ufaulu kuwa ni kuzitembelea shule za msingi kwa kushirikiana na idara ya ukaguzi wa shule ili kufuatilia utendaji kazi wa walimu na kusikiliza changamoto zinazowakabili na kuzitafutia ufumbuzi wa kudumu.

Habari hii imeandikwa na Albano Midelo, FikraPevu – Songea

Continue Reading
2 Comments

2 Comments

  1. Pancras Mallya

    23/11/2012 at 11:26 am

    Viongozi wanaposema wananchi wakikubali kuihamisha kwenda eneo jingine linalofikika wanamaanisha nini? Ina maana bado hawajatambua jina lao kuwa ni VIONGOZI???!!!. Wao ndio wanaotakiwa kuanza na kuwaongoza watu kuihamisha. Mbunge kama kiongozi wa wananchi anapaswa kwenda huko kuongea na Wananchi, kuwapa elimu na kisha kutafuta eneo shule ihame. Gharama gani za kuihamisha wakati shule yenyewe ni magofu??!!1

  2. winfrida

    03/01/2013 at 9:32 am

    serikali kuweni makini kwenye suala la elimu

Leave a Reply

Your email address will not be published. Required fields are marked *

Featured

UJASUSI: Jinsi kijana wa kiume kutoka New Zealand alivyojaribu  kumuua Malikia Elizabeth II

Published

on

Shirika la Ujasusi la New Zealand  (SIS) limethibitisha kwa mara ya kwanza kwamba kulikuwa na jaribio la kumuua Malikia Elizabeth II wakati alipotembelea jiji la Kusini la Dunedin mwaka 1981.

Jaribio hilo la kumuua Malikia linalodaiwa kutekelezwa na kijana wa kiume limechochea hamasa ya polisi kutaka kujua ni kwa kiasi gani wanausalama hao walifanikiwa kuzima njama hizo.

Taarifa iliyotolewa na SIS  zinaonesha kuwa kijana huyo, Christopher Lewis (17) alipiga risasi kuelekea kwa Malikia wakati akishuka kwenye gari lake ambapo alikuwa anaenda kushuhudia Maonyesho ya Sayansi yaliyofanyika Oktoba 14, 1981 katika jiji hilo. Tukio hilo lilitokea akiwa katika ziara ya siku 8 kutembelea nchi wanachama wa Jumuiya ya Madola.

“Lewis alidhamiria kumuua Malikia, hata hivyo hakuwa katika nafasi nzuri ya kurusha risasi, hata silaha iliyotumia haikuwa katika umbali wa kuweza kumfikia mhusika,” imesema taarifa iliyotumwa SIS kwa vyombo vya habari.

Lewis ambaye anatajwa kwenye taarifa ya ujasusi kama ‘kijana msumbufu’ hakuhukumiwa kwa jaribio la kutaka kuua au kosa la uhaini. Tukio hilo lilifanywa kuwa siri ili kuzuia sifa mbaya kwa nchi (New Zealand) ambayo ilitembelewa na mgeni wa heshima. Badala yake Lewis alihukumiwa kwa kumiliki silaha kinyume na sheria na kufyatua risasi.

                       Malikia Elizabeth II akiwa ameambatana na walinzi wake alipotembelea New Zealand

Inaelezwa kuwa watu waliohudhuria tukio la kuwasili kwa Malikia walisikia mlio wa risasi lakini Polisi waliokuwa wanasimamia usalama katika eneo hilo la Dunedin waliwaambia kuwa ilikuwa ni sauti ya kuanguka kwa kitu au magari kugongana.

“Uchunguzi wa sasa wa polisi juu milio iliyosikika umefanywa kwa umakini na wawakilishi wa vyombo vya habari wamepata mrejesho kuwa kelele zilisababishwa na baruti”, inaeleza ripoti kutoka SIS iliyotolewa mwaka 1981 baada ya kutokea tukio hilo.

Kulingana taarifa za ujasusi zinaeleza kuwa polisi wamekuwa wakifuatilia nyendo za Lewis tangu 1986 ambapo Malikia alitembelea tena New Zealand wakiogopa kuwa anaweza kutekeleza tena uhalifu huo. Kuwekwa wazi kwa siri hiyo kumewaibua polisi ambao wameanza kuchunguza upya kesi hiyo.

Zaidi ya muongo mmoja uliopita, Lewis alihukumiwa kwa mauaji ya mwanamke mmoja katika mji wa Auckland na kumteka mtoto wa kike ambapo baadaye alimtupa karibu na kanisa.

Kulingana na taarifa mbalimbali za wakati huo zinaeleza kuwa Lewis alijidhuru kwa umeme akiwa gerezani mnamo 1997 akisubiri hukumu ya kuua. Lakini alikana mashtaka ya kuua kwa ujumbe mfupi wa kifo (suicide note).

New Zealand ilipata uhuru mwaka 1947 kutoka kwa Uingereza lakini inamuheshimu Malikia kama kiongozi wa taifa. Ameitembelea nchi hiyo kama Malikia mara 10 na mara ya mwisho ilikuwa 2002.

Continue Reading

Featured

FREEDOM HOUSE: Tanzania ina uhuru kiasi, kufungiwa vyombo vya habari, kuzuia mikutano ya kisiasa kuididimiza kwenye nchi zisizo na uhuru kabisa

Published

on

Ripoti mpya iliyotolewa na taasisi huru ya Freedom House imesema misingi ya demokrasia ikiwemo uhuru wa vyombo vya habari na haki ya kukusanyika imeendelea kudhoofika nchini Tanzania na hali hiyo isiporekebishwa itaingia kwenye kundi la nchi zisizo na uhuru kabisa duniani.

Kulingana na  Freedom House  ambao walichambua data katika nchi 195 za ulimwenguni katika mwaka 2017 wamebaini kuwa nchi 88 zina uhuru,  58 zimejumuishwa kwenye kundi la nchi zenye uhuru kiasi huku 48 zikiwekwa kwenye kundi la nchi zisizo na uhuru kabisa.

Ripoti hiyo imebainisha kuwa misingi ya demokrasia ikiwemo uchaguzi usio huru na haki, uhuru wa kujieleza umeendelea kushuka kwa mwaka wa 12 mfufululizo duniani kote. Miongoni mwa matokeo yaliyostaajabisha ni kudhoofika kwa  Marekani ambayo ni mama wa demokrasia kutokana na uchunguzi unaofanywa na Mwendesha Mashtaka Maalumu kuhusu Urusi kuingilia uchaguzi mkuu wa mwaka 2016 ambao ulimpa ushindi Rais Donald Trump.

Tanzania imewekwa kwenye nchi 88 ambazo zina uhuru kiasi lakini inatahadharishwa kuwa inaweza kuingia kwenye nchi zisizo na uhuru kabisa. Tahadhari hiyo inatokana na mwenendo wa viongozi wa serikali kufungia vyombo vya habari, kuzuia mikutano ya hadhara ya vyama vya siasa, kushtakiwa kwa watumiaji wa mitandao ya kijamii kwa tuhuma za uchochezi na kukamatwa kwa wapinzani wa kisiasa ambao wanakosoa na kutoa mawazo yanayotofautiana na serikali.

Pia utekelezaji wa Sheria ya Takwimu ya mwaka 2015, Sheria ya Huduma ya Habari ya mwaka 2016 na Sheria ya Makosa ya Mtandao  ya mwaka 2015 umekuwa ukilalamikiwa na wadau wa maendeleo kuwa ni mkakati wa kudhoofisha uhuru wa kutoa maoni, uwazi na uwajibikaji.

Kituo cha Sheria na Haki za Binadamu (LHRC) nchini hivi karibuni kilitoa tamko la tathmini ya uchaguzi mdogo wa marudio wa kuchagua madiwani uliofanyika katika kata 43 kwenye mikoa 19 ya Tanzania  Novemba 24 mwaka jana ambapo kilibaini mambo mbalimbali ya ukiukwaji wa haki za binadamu.

Tathmini hiyo iliibua mambo mbalimbali ikiwemo matumizi mabaya ya nguvu ya vyombo vya dola, matukio ya watu kutekwa na watu wasiojulikana, watu kupigwa, kujeruhiwa  kwa lengo la kuharibu na kuvuruga uchaguzi  na vilevile kuwatia hofu wapiga kura.

 

Afrika Mashariki hali bado tete

Tanzania inaungana nchi nyingine za Afrika Mashariki ikiwemo Kenya na Uganda ambazo nazo zimewekwa kwenye kundi la nchi zenye uhuru kiasi huku za Rwanda, Burundi na Sudan ya Kusini zimejumuishwa kwenye nchi zisizo na uhuru kabisa.

Awali Uganda ilikuwa kwenye nchi zisizo na uhuru kabisa lakini imepanda hadi kwenye uhuru kiasi kwasababu ya  kuimarika kwa tasnia ya habari na utashi wa wanahabari, blogu na  uhuru wa wananchi kutoa maoni yao licha ya mazingira ya kisiasa kuminywa na utawala wa muda mrefu wa Rais Yoweri Museveni.

Rais Museveni mwenye umri wa miaka 73 amekuwepo madarakani  tangu 1986 amefanikiwa kubadilisha sheria  ya ukomo wa umri wa miaka 75 wa kugombea urais ambapo atapata fursa ya kugombea tena mwaka 2021. Chaguzi nchini Uganda zimekuwa zikitawaliwa na vurugu za polisi na wananchi, kuzimwa kwa intaneti na kuwekwa kizuizini kwa viongozi wa upinzani ikiwemo Kizza Besigye wa chama cha Forum for Democratic Change.

Kwa upande wa Kenya ambayo imekuwa ikisifika kwa kuimarisha misingi ya demokrasia katika ukanda wa Afrika Mashariki ambapo kwa mara ya kwanza mahakama ilifanikiwa kubatilisha matokeo ya uchaguzi wa Urais yaliyompa ushindi Rais Uhuru Kenyatta uliofanyika Agosti 2018. Uchaguzi ulirudiwa na Rais Kenyatta alichaguliwa tena.

Marudio ya uchaguzi yalilamikiwa na baadhi ya wachambuzi wa masuala ya kisiasa kuwa hayakuzingatia haki za binadamu ambapo watu ambao walipinga uchaguzi huo walikumbana na mkono wa dola. Matendo hayo ndiyo yaliiweka Kenya kwenye kundi la nchi zilizo na uhuru kiasi.

Burundi na Sudan Kusini zimewekwa kwenye kundi la nchi zisizo na uhuru kabisa kutokana na mapigano ya kikabila ambayo yamedhoofisha mfumo wa kisiasa wa kuongoza nchi. Vyombo vya habari na wananchi wanaotoa maoni tofauti na serikali wamekuwa wakiteswa, kufungwa na kuuwawa.

Chanzo: Freedom House           – Nchi zisizo na  uhuru  – Nchi zenye uhuru     – nchi zenye uhuru kiasi   

 

Hali ilivyo Afrika

Afrika kama zilivyo nchi za Afrika Mashariki hali ya demokrasia siyo ya kuridhisha ikizingatiwa kuwa asilimia 11 ya wakazi wapatao bilioni 1.02 wa bara hilo ndio wana uhuru wa kweli, huku 52% wana uhuru kiasi na 37% hawa uhuru kabisa.

Ripoti ya Freedom House inaeleza kuwa waliangazia nchi 49 za Afrika na kugundua kuwa nchi 8 (18%) ndio zina uhuru wa kweli, nchi 22 (43%) zina uhuru kiasi na 19 (39%) hazina uhuru kabisa. Nchi zinazotajwa kuwa na uhuru ni Afrika Kusini, Namibia, Botswana, Ghana, Togo, Senegal na Kisiwa cha Sao Tome.

 Sababu ya nchi nyingi za Afrika kuwepo kwenye kundi la zisizo na uhuru ni matokeo ya viongozi kukaa madarakani muda mrefu, vurugu za kisiasa na kikabila ambazo zimekuwa zikihatarisha haki za binadamu.

 

Demokrasia ya Dunia

Demokrasia ya dunia inakabiliwa na mzozo mkubwa wa kisiasa kuliko wakati mwingine ambapo mwaka 2017 ulishuhudia ukiukwaji mkubwa wa haki za binadamu ikiwemo kuminywa kwa  uchaguzi huru na kweli, haki za watu wachache, uhuru wa kujieleza, utawala wa sheria.

Nchi 71 kati ya 195 zimeshuhudiwa zikiteteleka katika kulinda haki za kisiasa na jamii ambapo ni nchi 35 tu ndizo zimeweza kulinda haki hizo. Kudhoofika kwa demokrasia kunaendelea kushuka kwa miaka 12 mfululizo na hatua muhimu zisipochukuliwa amani ya dunia itawekwa rehani.

Marekani ambayo ni bingwa wa demokrasia duniani nayo imeripotiwa na taasisi ya Freedom House kudhoofika katika kulinda haki za kisiasa na kijamii na kuzua mgongano wa mawazo miongoni mwa nchi zinazoibukia katika kujenga demokrasia ya dunia.

Tangu kuisha kwa vita baridi, nchi nyingi ziliachana na utawala wa kiimla na kugeukia demokrasia ya vyama vingi lakini hali hiyo imeanza kujitokeza tena ambapo idadi ya viongozi wanaoongoza kwa udikteta inaongezeka.

 

Uhuru wa nchi moja unategemea uhuru wa nchi zote

Demokrasia itabaki kuwa tunu muhimu kwa jamii zilizostaarabika, ikifungua milango ya uwazi, mawazo na fursa mpya na zaidi ya yote kulinda uhuru wa mtu mmoja mmoja. Ikiwa watu duniani kote wanadai mazingira mazuri ya kisiasa ni dhahiri wanakumbatia misingi ya demokrasia: uchaguzi huru, uhuru wa kujieleza, uwazi na uwajibikaji wa serikali, utawala wa sheria ambao hauingiliwi na polisi, jeshi au taasisi nyingine za nchi.

Hata hivyo, Karne ya 21 imeshuhudia ugumu wa kuifanya demokrasia kuwa endelevu ambapo baadhi ya nchi zinatekeleza lakini zingine zinapuuza. Utawala wa kidekteta wa Urusi na China unatambua wazi ili uendelee kuwepo unahitaji kuimarisha demokrasia katika nchi nyingine ili ziendelee kufaidika na mahusiano ya kidiplomasia. Ukuaji wa  demokrasia ni kulinda haki za watu wote duniani kupitia utandawazi   

Continue Reading

Afya

Is Tanzania’s Adolescent Fertility Rate Three Times Higher Than Global Counterparts?

Published

on

The Comprehensive Community-Based Rehabilitation in Tanzania (CCBRT), an organization ​which works to provide affordable medical and rehabilitative services for mothers and newborns throughout Dar-es-Salaam, marked World Contraception Day on September 26 with a call for more efforts to meet the reproductive health needs of teens between 15 and 19 years old.

The report highlights a worrying statistic — Tanzania’s adolescents are having almost three times as many children on average as their global counterparts, with 135 births per 1000 girls reported in the country, compared to an average of 44 per 1000 girls aged 15–19 worldwide in 2015.

CCRBT attributes the high adolescent fertility rate to a lack of access to contraceptive services, with Technical Advisor for Nursing Bola Abbas saying, that only about 8 per cent of current family planning clients are between the ages of 15 to 19.

On a national scale, Abbas explains, demand for family planning among adolescent girls is still very low, with only one out of every three of those who are sexually active within the 15 to 19 age group using modern contraceptive methods.

So the question is, how does Tanzania’s adolescent fertility rate compare to that of the rest of the world?

Pesacheck investigated the claim that Tanzanian adolescents are having three times as many children as their peers in the rest of the world and found that the statement is TRUE for the following reasons:

Tanzania’s adolescent fertility numbers are rather high, with 4.4% of girls aged 15 having given birth according to the country’s Demographic and Health Survey.

The Sustainable Development Goals call for countries to ensure universal access to sexual and reproductive healthcare services, including family planning, information and education, and the integration of reproductive health into national strategies and programmes by 2030.

The indicators for this goal are the proportion of women of reproductive age (15–49 years) who have their need for family planning satisfied with modern methods, and the adolescent birth rate (10–14 years and 15–19 years) per 1,000 women in that age group.

For several sub-Saharan countries, Tanzania included, access to modern family planning methods is low for this particular age group, and as a result, the regional average is 105 births per 1,000, which is more than double the global average.

Tanzania’s National Bureau of Statistics produced a national fertility and nuptiality report based on data from the 2012 national census, which shows that Adolescent Fertility Rate (AFR) was 81 births per 1,000 women aged 15–19.

The report further shows that in 2012, 23.3% of adolescent girls in the country had given birth to at least one child. Additionally, 42.2% of girls who had never attended school had given birth, compared to just 9% of those who had reached university.

This shows that there is a need for contraceptive access for teenage girls in Tanzania, especially for girls in rural areas and those with limited access to education.

The Tanzania Demographic and Health Survey 2015–16 indicates that 27% of girls aged 15–19 have given birth. Crude birth rates for girls aged 15–19 show that there 135 births per 1,000 girls in Mainland Tanzania and 132 per 1,000 girls in Zanzibar, way above the global average of 44. The data also shows that contraceptive access for this age group is also quite low, with 10.4% of girls aged 15–49 using any form of contraception.

It would therefore appear that the lack of access to contraceptives is contributing to the increased likelihood of adolescent girls getting pregnant.

So the claim by CCBRT that Tanzania’s adolescent fertility rate is almost three times the global average is TRUE. This is driven largely by a lack of access to contraceptives for young people in the 15–19 age group, and the relatively high levels of poverty that have driven many out of school and into early marriage.

As a result, the country is unlikely to meet the Sustainable Development Goal of overall good health and wellbeing of mothers unless it puts measures in place to ensure universal access to sexual and reproductive health-care services for girls and women of all ages.

Do you want us to fact-check something a politician or other public figure has said about public finances? Complete this form, or reach out to us on any of the contacts below, and we’ll help ensure you’re not getting bamboozled.

This report was written by PesaCheck Fellow Belinda Japhet, a Communications Consultant, Online Editor based in Tanzania. The infographics are by PesaCheck Fellow Brian Wachanga, who is a Kenyan civic technologist interested in data visualisation. This report was edited by PesaCheck Managing Editor Eric Mugendi.

Continue Reading

Muhimu Kusoma

Copyright © 2018 FikraPevu.com