Connect with us

Jamii

Miaka 54 ya Mapinduzi ya Zanzibar: Dk. Shein ahimiza uwazi, uwajibikaji serikalini

Published

on

 Rais wa Zanzibar na Mwenyekiti wa Baraza la Mapinduzi, Dk. Ali Mohamed Shein amesema kuanzia Aprili mwaka huu serikali yake itaanza kuwalipa wafanyakazi wa umma kima cha chini cha mshahara cha shilingi 300,000 kutoka 150,000 za awali ikiwa ni mkakati wa kuboresha maisha ya wananchi wa visiwa vya Zanzibar.

Rais Dk. Shein ametoa ahadi hiyo wakati akihutubia wananchi katika kilele cha sherehe za maadhimisho ya miaka 54 ya Mapinduzi Matukufu ya Zanzibar zilizofanyika katika uwanja wa Aman mjini Zanzibar ambapo amesema mkakati huo wa serikali utaanza kutekelezwa mapema iwezekanavyo.

“Katika kipindi hiki mipango yote imekamilika ya kuwalipa wafanyakazi wa serikali kima cha chini cha mshahara kutoka 150,000 cha sasa hadi sh. 300,000. Kiwango hichi kimeongezeka kwa asilimia 100, mshahara utaanza kulipwa mwezi Aprili hivi karibuni”, amesema Dk. Shein.

Amesema nia ya serikali ni kuongeza hali kwa watumishi wa umma kufanya kazi kwa bidii, kuongeza uzalishaji na utolewaji wa huduma muhimu za kijamii kwa wananchi.

Amebainisha kuwa serikali yake haitasita kuwachukulia hatua baadhi ya wafanyakazi ambao wameshindwa kuwajibika kwenye nafasi zao licha ya serikali kuboresha utolewaji wa mishahara na posho mahali pa kazi ambapo amewataka kuheshimu sheria na miiko ya dhamana walizopewa.

“Serikali katika mwaka 2016 imelishughulikia suala la nidhamu kwa wafanyakazi kwa mujibu wa sheria namba 2 ya Utumishi wa Umma ya mwaka 2011 ya kanuni za kazi”, amesema Dk. Shein na kuongeza kuwa,

“Wapo wafanyakazi wameondoshwa kwenye dhamana za uteuzi kwa kukiuka maadili ya kazi, vilevile wapo waliosimamishwa kazi kutokana na ubadhirifu wa mali ya umma na wanaendelea kuchunguzwa na kushughulikiwa na taasisi zinazohusika”.

Ameongeza kuwa serikali yake itahakikisha wananchi wote bila kujali nafasi zao wananufaika na rasilimali za nchi ikiwemo kutoa mikopo yenye masharti nafuu kwa vijana na wanawake ambao hawako katika sekta rasmi ili kuwawezesha kiuchumi.

Wakati huo huo, Dk. Shein amezungumzia suala kupambana na ufisadi na kuwa ataendelea kuunga mkono juhudi za rais John Magufuli za kupambana na vitendo vya rushwa huku akiwataka wananchi na viongozi wa serikali kutambua juhudi hizo ili kujenga muungano wenye manufaa kwa pande zote mbili.

Pia katika hotuba yake hakuacha kuwasifu na kuwaenzi waasisi wa Tanzania akiwemo rais Julius Nyerere na Sheikh Aman Abeid Karume kwa kufanikisha uhuru wa Tanganyika na Zanzibar. Kudumisha na kuimarisha muungano ambao umeifanya Tanzania kuwa kisiwa cha amani na utulivu kwa wananchi wote.

        Rais wa Zanzibar na Mwenyekiti wa Baraza la Mapinduzi, Dk. Ali Mohamed Shein (kushoto) akisalimiana na viongozi wa majeshi ya Tanzania

 

 Mafanikio yaliyopatikana

Rais Dk. Shein hakuacha kutaja mafanikio yaliyopayika kwenye utawala wake ikiwa ni sehemu ya kuenzi mapinduzi matukufu ya Zanzibar. Katika sekta ya nishati serikali imefanikiwa kupunguza tatizo la umeme katika kisiwa cha Pemba ambapo nyaya zenye urefu wa  mita 800 zimetandazwa chini ya bahari ya Hindi kutoka mkoa wa Tanga hadi kwenye kisiwa cha Pemba.

Amefanikiwa kuboresha sekta ya afya kwa kusomesha Madaktari Bingwa wazawa katika nchi za China na Cuba.  kujenga hospitali, vituo vya afya na kununua vifaa tiba na madawa. Hospitali zimeongezeka kutoka 5 hadi 12, vituo vya afya 36 hadi 158 kwa mwaka 2017, na serikali inaendelea na juhudi za kuboresha miundombinu ya afya ikiwemo majengo, dawa na vifaa tiba.

Mchakato wa kuimarisha usawa wa kijinsia  unaendelea ambapo kesi 176 zimefunguliwa dhidi watu ambao wamekutwa na makosa ya uvunjaji wa haki za binadamu huku kesi 90 zikiwa kwenye upelelezi. Pia serikali inatekeleza Mpango wa Taifa wa Kupinga Ukatili wa Kijinsia kwa wanawake na watoto ulizinduliwa Julai mwaka 2017. 

Sekta ya elimu imepata mafanikio makubwa kwa kuondoa elimu ya kibaguzi na kuunda mfumo wa elimu kwa wote. Idadi ya wanafunzi imeongezeka kutoka 25,572 mwaka 1963 hadi 377,821 kwa 2017.  Ujenzi wa jengo la sayansi na teknolojia  umefikia asilimia 85% na kukamilika kwake kutachochea mageuzi ya viwanda visiwani humo.

Sekta ya utalii nayo imepata mafanikio makubwa kwa idadi ya watalii wanaotembelea kisiwa hicho kuongezeka hadi kufikia 433,116 mwaka 2017. Pia mauzo ya bidhaa zinazouzwa nje ya nchi hiyo yameongezeka na kufikia bilioni 94.94 mwaka 2016 huku sekta ya viwanda ikichangia asilimia 16 ya pato la ndani ambapo mwaka 2017 imechangia milioni 489 kutoka milioni 417 mwaka 2015. Serikali ya Zanzibar inaendelea kutekeleza miradi mbalimbali ya maendeleo ikiwemo kujenga barabara ili kufikia uchumi wa kati ifikapo 2025.

 

Hali ilivyokuwa uwanjani

Sherehe hizo za miaka 54 ya Mapinduzi ya Zanzibar zilianza mapema leo asubuhi ambapo wananchi kutoka maeneo mbali ya Zanzibar walikusanyika katika uwanja wa Aman uliopo mjini Magharibu wakiongana na viongozi mbali wa serikali na wastaafu.  

Baaba ya wananchi kuingia uwanjani hapo vikosi vya majeshi ya Tanzania vilijipanga uwanjani huku viongozi wa kiingia kwa awamu kulingana na nyadhifa zao.

Ilipofika saa 2:38 rais wa Tanzania, John Magufuli aliingia uwanjani hapo huku akishangiliwa na umati wa watu waliojitokeza kwenye sherehe hizo ambapo alipewa heshima kutoka kwa vikosi vya majeshi ya Tanzania na wimbo wa taifa uliimbwa kuonyesha mshikamano uliopo baina ya Tanzania Bara na Zanzibar. Rais aliungana na viongozi wengine jukwaa kuu wakimsubiri rais wa Zanzibar.

Muda mfupi baadaye rais wa Zanzibar na Mwenyekiti wa baraza la Mapinduzi, Dk. Mohamed Shein anaingia akiwa kwenye gari la wazi akiongozwa na pikipiki. Wananchi wanampungia mikono kuonyesha furaha waliyonayo juu miaka 54 ya Mapinduzi.    

Baada ya kuwasili uwanjani hapo, rais Shein akiwa kwenye gari la wazi akisindikizwa na piki zaidi ya tano. Alielekezwa kwenye jukwaa dogo lilokuwa uwanjani na kupigiwa mizinga 21 kutoka kikosi maalumu cha jeshi ikiwa ni heshima kwa Amiri Jeshi Mkuu.

Kama hiyo haitoshi Dk. Shein amekagua vikosi mbalimbali vya majeshi vikiwemo vya anga, nchi kavu na majini vilivyokuwepo uwanji hapo. Rais alipanda kwenye jukwaa kuu na kusalimiana na viongozi mbalimbali waliofika katika sherehe hizo.

Kilichofuata ni maandamano ya wananchi kutoka mikoa ya Zanzibar kupita mbele ya mgeni rasmi huku wakionyesha mabango yenye jumbe mbalimbali kusifu  mafanikio yaliyopatikana katika kipindi cha miaka 54 ya Mapinduzi Matukufu ya Zanzibar.

Moja ya bango lililobebwa na vijana kutoka Baraza la Vijana Zanzibar limesomeka “Hongera Dk. Shein kwa kuanzisha mabaraza ya vijana ambayo ni chachu ya maendeleo Zanzibar”.

Mshehereshaji alitoa fursa kwa  gwalide maalumu la vikosi vya ulinzi nchini likijumuisha Jeshi la Wananchi (JWTZ), Kikosi Maalumu cha Kuzuia Magendo (KMKM), Jeshi la Kujenga Uchumi (JKU), Jeshi la Polisi kupita mbele ya rais Dk. Shein kutoa salamu za utii kwa Amiri Jeshi Mkuu.

Sherehe hizo pia zimeshuhudia Haraiki ya vijana chipukizi wakiwa wamevalia nguo zenye rangi ya bendera ya Zanzibar wakipita uwanjani hapo huku wakishangiliwa kwa umahiri na ukakamavu wao wa kutembea kwa mwendo wa haraka.Kumalizika kwa gwalide hilo maalumu kulitoa nafasi kwa Makamu wa Rais wa Zanzibar, Seif Idd kutoa salamu na kumkaribisha rais, Dk. Mohammed Shein kuhutubia taifa.

Baada ya kumaliza hutuba yake ambayo imeelezea mafanikio yaliyopatikana katika miaka 54 ya mapinduzi, rais Shein alishuka kutoka jukwaa kuu na kuondoka uwanjani hapo na kufuatiwa na viongozi wengine ikiwa ni ishara ya kuahirishwa

Kilele cha sherehe za miaka 54 ya Mapinduzi matukufu ya Zanzibar zimefanyika leo katika uwanja wa Aman mjini Magharibi Zanzibar ambapo zilitanguliwa na shughuli mbalimbali zikiwemo Kombe la Mapinduzi, kuzinduliwa kwa miradi 33 ya maendeleo katika kisiwa hicho.

                              Rais wa kwanza wa Tanzania, hayati Julius Nyerere akiwa na rais wa kwanza wa Zanzibar, hayati Aman Abeid Karume

 

Sherehe hizo zilihudhuriwa na rais wa Tanzania, John Magufuli; Makamu wa rais, Samia Suluhu Hassan; Waziri Mkuu, Kassim Majaliwa; Spika wa Bunge la Tanzania, Job Ndugai na  viongozi mbalimbali wa serikali ya Mapinduzi ya Zanzibar na Tanzania. Pia marais wastaafu; Jakaya Kikwete, Ally Hassan Mwinyi, Benjamin Mkapa na Aman Abeid Karume walikuwepo katika sherehe hizo.

 

Historia ya Mapinduzi ya Zanzibar

 Machafuko ya kisiasa yaliongezeka ndani ya Zanzibar na Pemba tangu kifo cha Sultani Khalifa  mwaka 1960. Sultani Khalifa alitawala Zanzibar kwa karibu ya miaka 50, tangu mwaka 1911 ambapo utawala wake uliwaumiza na kuwatumikisha wananchi kwa kazi ngumu bila kupata manufaa ya kiuchumi, kisiasa na kijamii.

Baada ya udanganyifu mkubwa wa majimbo ya uchaguzi na mseto katika chaguzi kuu mbili za mwaka 1961 vyama vikuu vilishindwa kujipatia wingi wa kura kwa kila kimoja na kuhitimisha utawala wa Waingereza. Waingereza ambao waliitawala Zanzibar kwa miaka 70 waliondosha majeshi yao kikiwemo kikosi maalumu cha Kiarishi ambacho kilikuwa kimewekwa karibu na uwanja wa gofu na mpaka wa mji Mkongwe mapema mwaka 1963.

Wakati mfalme mpya, Jemshid akipandisha bendera ya Taifa huru la Zanzibar tarehe 12 Disemba 1963, aliadhimisha uondokaji wa Gavana wa kiingereza Zanzibar na mwisho wa ukoloni Zanzibar.  

Uchaguzi mwingine uliofanyika mwishoni mwa mwaka 1963 ukiipa ushindi mdogo wa kura Muungano wa vyama viwili ZNP(Chama cha Kizalendo Zanzibar) na ZPPP (Chama cha Watu wa Pemba na Unguja). A.S.P (Chama cha Afro shirazi) kilitakiwa kiwepo katika Serikali iliyo na chini ya nusu ya wabunge kwa mtindo wa bunge la Kiingereza na Sultani, akiwa kama ni mtawala tu lakini sio mtawala mwenye maamuzi ya mwisho. Hakikupata fursa ya kuwepo katika serikali ya mseto kutokana na kutokubaliana na sera za ukandamizaji zilizokuwa zikifanywa na watawala wa Zanzibar.

Historia ya Mapinduzi ya Zanzibar, inatajwa kuanza Oktoba, 1963 ambapo Zanzibar ilipata uhuru wake wa bendera, kutoka kwa Waingereza lakini bado ikaendelea kukaliwa kimabavu na utawala wa sultani. Miezi michache baada ya Waingereza kuondoka, ndipo vuguvugu la mapinduzi lilipoanza, hatimaye Wazanzibar wakaingia mitaani na kupambana kwa saa 9, kabla ya kufanikiwa kuuangusha utawala wa sultani, Januari 12, 1964.

Mapinduzi hayo yaliongozwa na viongozi mbalimbali wa ASP chini ya Sheikh Aman Abeid Karume ambaye baadaye alikuja kuwa rais wa kwanza wa serikali ya Mapinduzi ya Zanzibar kabla ya kufariki mwaka 1972 na maadui wa kisiasa.

Miezi mitatu baadaye, Aprili 26, 1964, Tanganyika na Zanzibar viliungana na kuunda Tanzania, muungano ambao umeendelea kudumu hadi leo na kuwa mfano wa kuigwa duniani kote.

Hata hivyo, Muungano wa Tanganyika na Zanzibar unakabiliwa na changamoto mbalimbali ikiwemo kuitambua Zanzibar kama nchi huru yenye mamlaka kamili inayoweza kutambulika katika jumuiya za kimataifa. Suala hili bado liko kwenye mjadala ili kuhakikisha muungano huo unazinufaisha pande zote mbili.

Continue Reading
Click to comment

Leave a Reply

Your email address will not be published. Required fields are marked *

Afya

Watumishi wa afya 200 kupatiwa mafunzo ya utoaji dawa ya usingizi kuokoa maisha wajawazito

Published

on

Kufuatia upungufu wa wataalamu wa dawa za usingizi (anaesthesia), serikali itatoa mafunzo ya dawa za usingizi kwa watumishi wa afya 200 katika vituo vya afya vya upasuaji wa dharura kwa akina mama wajawazito.

Hatua hiyo inakuja ikiwa imepita miezi 6 baada ya Chuo Kikuu cha Afya na Sayansi Shirikishi Muhimbili (MUHAS) kutangaza kuanza kutoa shahada ya dawa ya usingizi (Bsc. Anaesthesia Nursing).

Katika taarifa iliyotolewa na Kitengo cha Mawasiliano serikalini cha Wizara ya Afya, Maendeleo ya Jamii, Jinsia, Wazee na Watoto, inaeleza kuwa mafunzo hayo yatatolewa sambamba na uboreshaji wa huduma ya upasuaji wa dharura kwa wajawazito ili kuokoa maisha ya wanawake na watoto ambao hufariki kwa kosa huduma muhimu za uzazi kwenye vituo vya afya.

“Mkakati wa kuhakikisha huduma za afya kwa akina mama wajawazito zinakuwa salama na uhakika kwa kuandaa rasilimali watu, miundombinu ya majengo na vifaa vitakavyowezesha huduma hizi ikiwemo upasuaji wa dharura kwa akina mama wajawazito wakati wa kujifungua,” imeeleza taarifa hiyo.

Kwa mujibu wa takwimu za Wizara ya Afya, vifo 556 vitokanavyo na uzazi kwa kila viumbe hai 100,000 huripotiwa kila mwaka katika maeneo mbalimbali nchini. Maana yake ni kwamba watoto na wajawazito hufariki hasa wakati wa mama akijifungua.

Aidha, serikali itaboresha vituo vya afya 288 vya serikali vilivyopo nchini ili kuviwezesha kutoa huduma ya dharura ya upasuaji kwa wajawazito ambapo waaguzi katika vituo hivyo watapatiwa mafunzo ya dawa za usingizi ili kuokoa maisha ya akina mama na watoto wachanga.

Utekelezaji wa mafunzo hayo ni matokeo ya ushirikiano wa Wizara ya Afya na Mfuko wa Pamoja wa Afya ambapo zaidi ya sh1,079 bilioni zimepatikana kufakisha mafunzo hayo ya dawa ya usingizi kwa wauguzi na matabibu waliopo kwenye vtuo vya afya nchini.

“Fedha hizo zitasomesha watumishi wapatao 200, kati ya watumishi hao 100 watapata mafunzo yao katika Hospitali ya Taifa Muhimbili na MOI, watumishi 50 watafanya mafunzo katika hospitali ya KCMC, na 50 watafanya mafunzo hayo kwenye hospitali ya Bugando,” imefafanua taarifa ya wizara.

Lengo la serikali ni kuhakikisha ifikapo 2019 na kabla ya 2020 vituo vyote vya afya vinavyomilikiwa na serikali vinakuwa na watumishi maalum wa kutoa huduma ya dawa ya usingizi kwaajili ya wapasuaji wasiopungua wawili kwa kila kituo.

Mafunzo hayo ya mwaka mmoja ni mpito wakati serikali ikiendelea kukamilisha taratibu za kurasimisha utoaji wa shahada ya kwanza ya kutoa dawa ya usingizi katika Chuo cha MUHAS katka mwaka huu wa 2018/2019.

Hali halisi ya huduma ya dawa za usingizi nchini
Takwimu za wizara ya Afya zinaonyesha kuwa kuna upungufu mkubwa wa madaktari wenye utaalamu wa kutoa dawa ya usingizi hasa wakati wa huduma ya upasuaji ambapo kwa sasa waliopo ni asilimia 1.2 tu ya mahitaji yote.

Ili kuweza kukidhi mahitaji yote ya huduma hiyo wanahitajika madaktari 2000, lakini waliopo sasa ni madaktari 30 pekee.

Kufuatia changamoto hiyo Januari 31, mwaka huu wadau mbalimbali wa afya na elimu walikutana na kujadili namna ya kuondoa changamoto hiyo na kupendekeza mtaala utakaotumika kufundishia kozi ya Aesthesia kabla ya kuupeleka kwa Tume ya Vyuo Vikuu Nchini (TCU).

” Ni kweli kumekuwepo kwa changamoto hiyo ya watalaamu wa dawa hizo lakini sasa mpango huu ukikamilika maana yake tutaongeza idadi ya madaktari kamili maana hawa waliopo wengi ni wale ambao wamesoma kozi kwa mwaka mmoja au miwili.

” Mafunzo yakianza kutolewa hapa chuoni Muhimbili wataweza kuchukua wanafunzi 200, Bugando 50 na KCMC 50 jambo ambalo litaongeza idadi kubwa ya watalaamu ili kuweza kufikia lengo letu la kuwa na wataalamu 2000 nchi nzima,” alinukuliwa Katibu Mkuu wa Wizara ya Afya, Jinsia, Wazee na Watoto, Dk Mpoki Ulisubisya.

Continue Reading

Jamii

Waziri Mkuu Majaliwa: Hatutangazi nyongeza ya mshahara hadharani kuepusha athari kwa jamii

Published

on

Waziri Mkuu, Kassim Majaliwa ameweka wazi kuwa serikali haitatangaza nyongeza ya mishahara kwa watumishi wa umma hadharani ili kuepusha athari kwa jamii ikiwemo kupanda kwa bei ya bidhaa.

Akizungumza leo Bungeni wakati akijibu swali la Mbunge wa viti maalumu (CHADEMA), Susan Lymo ambaye alitaka kufahamu kwanini Serikali imewanyima au imeshindwa kuwalipa watumishi wa umma nyongeza ya mishahara ambayo ni haki yao ya msingi kulingana na miaka waliyokaa kazini.

Akijibu swali la Mbunge huyo, Waziri Mkuu Majaliwa amesema Serikali ina utaratibu wa kutoa nyongeza ya mishahara kwa watumishi wake lakini haitangazi kwa wananchi wote kama ambavyo imekuwa ikifanyika kwenye sherehe za wafanyakazi za Mei Mosi kila mwaka.

Amesema Serikali ikitangaza mishahara hadharani inaweza kusababisha usumbufu kwa watu wasio watumishi wa umma na inaweza kupandisha bei ya bidhaa na kuathiri mwenendo wa mahitaji ya wananchi sokoni.

Nyongeza za mishahara ambazo zinatangazwa hadharani, mara nyingi zina athari yake sio kwamba Serikali haikusudii kutoa nyongeza ya mshahara kwa mwaka, lakini unapotumia Mei Mosi kutangaza nyongeza ya mshahara unaleta athari kwenye jamii kwasababu vitu vinaweza vikapanda bei, vikawasumbua hata na wananchi ambao hawalipwi mshahara,” amesema Waziri Mkuu.

Amebainisha kuwa siyo lazima Serikali itangaze hadharani kila inapoongeza mishahara kwa watumishi wa umma lakini ifahamike kuwa Serikali ina utaratibu wake mzuri wa kuboresha stahiki za wafanyakazi wake kila mwaka.

Suala la nyongeza ya mishahara liko Serikalini na Mhe Rais ameishawahakikishia wafanyakazi atawaongeza mishahara na sio lazima litangazwe hadharani. Mshahara ni suala la mtu binafsi hata ukiongezwa leo kuwa tumeitangaza leo tumeongeza mshahara kwa kiwango hiki. Ukifanya hivi tayari umeleta kupanda kwa gharama’” amebainisha Waziri Mkuu.

Ameongeza kuwa mkakati wa Serikali ni kupunguza gharama za mahitaji kwenye masoko ili kuzuia mfuko wa bei za bidhaa.

Hata hivyo, Waziri Mkuu Mjaliwa amesema Serikali inaendelea kufanya sensa ya watumishi wote nchi nzima na zoezi hilo likikamilika itaboresha nyongeza ya mwaka, nyongeza ya mishahara na upandishaji wa madaraja.

Awali katika swali lake, Mbunge Lyima amesema Serikali inakiuka Sheria ya Utumishi wa Umma ya kuwapatia watumishi stahiki zao na kuwapunguzia motisha ya kufanya kazi kwa ufanisi katika maeneo yao ya kazi na kuathiri mafao baada ya kustaafu.

Hoja ya Mbunge huyo ni muendelezo wa malalamiko ya watumishi dhidi ya Serikali kwamba hawajapata stahiki zao tangu ilipoanza zoezi la ukakiki wa watumishi wa umma mwaka 2015. Katika zoezi hilo watumishi zaidi ya 9,000 walibainika kutokukidhi vigezo vya utumishi na hivyo kuondolewa kazini.

Huenda kauli aliyoitoa Waziri Mkuu leo Bungeni inaweza ikatofautiana na ile ya Rais John Magufuli aliyoitoa wakati wa sherehe za Mei Mosi, 2018 mijini Iringa ambapo alinukuliwa akisema hawezi kutoa nyongeza ya mishahara akidai Serikali haina fedha.

Kwangu mimi ninafikiria hizi pesa tunazotoa kwa ajili ya elimu bure ni nzuri kuliko fedha hizo kuzipeleka kuongezea mishahara, naona bora kuwapa mikopo wanafunzi wa vyuo vikuu kuliko kuongezea wafanyakazi mishahara,

Nikisema nitaongeza hizo pesa mimi nitazitoa wapi? naogopa kusema uongo. Hata mimi napenda kupandishiwa mshahara lakini kwa hali halisi ya sasa hivi lazima niwaeleze ukweli,” alinukuliwa Rais Magufuli.

Hata hivyo alibainisha kuwa kabla ya kuondoka madarakani ataboresha maslahi ya wafanyakazi wa umma, “Nawaahidi, kipindi changu cha urais hakitaisha kabla sijapandisha mishahara kwa wafanyakazi, kupandisha kwangu haitakuwa kwa shilingi elfu kumi, itakuwa ni kupandisha kwelikwel.”

Continue Reading

Jamii

Maaskofu KKKT wapewa siku 10 kufuta waraka

Published

on

Serikali imetoa siku 10 kwa Kanisa la Kiinjili la Kilutheri Tanzania (KKKT), kuufuta kwa maandishi waraka wao waliotuoa Machi 24 mwaka huu na kisha kuujulisha Umma kwa njia mbalimbali walizotumia kuusambaza.

Kanisa la KKKT kupitia Baraza lake la Maaskofu lilitoa waraka uliopewa jina la ‘Taifa Letu Amani Yetu’ wakati wa Pasaka ambao mbali na masuala ya kiroho, ulibainisha mambo kadhaa yanayogusa mstakabali wa taifa.

Katika mitandao ya kijamii leo imesambazwa barua yenye kumbukumbu no. SO.748/25 inayoonyesha imeandikwa na Ofisi ya Msajili wa Vyama Wizara ya Mambo ya Ndani kwenda kwa Mwenyekiti /askofu Mkuu wa KKKT iliyoandikwa Mei 30, 2018 ikitoa maelekezo ya kufutwa waraka huo ndani ya siku 10 tangu ilipoandikwa barua hiyo.

Ikiwa na kichwa cha habari ‘Ujumbe wa Baraza la Maaskofu wa KKKT’ barua hiyo inaeleza baraza hilo halitambuliki kisheria katika ofisi ya msajili.

“Unaelekezwa kuufuta waraka husika kwa maandishi na kuujulisha umma kuwa taasisi yako haikuwa na haina uwezo kisheria kufanya kile mlichokifanya. Maandishi hayo yaufikie umma wa Watanzania kwa kupitia vyombo vya habari na njia zingine zilezile zilizotumika kuufikisha waraka ule mliouita ‘Ujumbe wa Baraza la Maaskofu KKKT’.

Hata hivyo, barua hiyo imetoa onyo kali kwa taasisi hiyo dini nchi kutekeleza agizo mara moja la sivyo itachukuliwa hatua za kisheria.

“Maelekezo haya yatekelezwe ndani ya siku kumi tangu kupokea kwa barua hii vinginevyo hatua kali zaidi za kisheria zitachukuliwa dhidi ya taasisi hii,” inasema barua hiyo.

Ikumbukwe kuwa  waraka huo ulisainiwa na maaskofu 27 wa kanisa hilo nchini na kutaja baadhi ya mambo hayo kuwa ni pamoja na utekaji, utesaji, kupotea kwa watu, mashambulizi ya silaha dhidi ya viongozi wa kisiasa, mauaji yenye mwelekeo wa kiitikadi, vitisho, ubambikiziaji wa kesi, na matumizi mabaya ya vyombo vya dola dhidi ya wananchi.ni hali ya kijamii na kiuchumi, maisha ya siasa, na masuala mtambuka likiwamo suala la Katiba Mpya.

Waraka uliongeza pia kwamba uhuru wa kujieleza, kutoa na kupokea habari umeendelea kutoweka nchini huku ukionya kubanwa na hatimaye kuelekea kupungua kwa uhuru wa Bunge, Mahakama, na Tume ya Uchaguzi, ukisema hatua hii ni pamoja na kudhoofishwa kwa serikali za Mitaa.

Lakini kabla ya KKKT kutoa waraka wao, Kanisa Katoliki nalo lilitoa waraka kama huo likionya baadhi ya mambo ikiwemo uminywaji wa misingi ya demokrasia ya vyama vingi na uhuru wa kujieleza.

Baada ya kusambaa kwa waraka huo, yalijitokeza mambo mengi ikiwemo kutofautiana na kwa mawazo ya wananchi kuhusu wajibu wa viongozi wa dini katika kutoa ushauri, kuonya au kukemea pale mambo yanapoenda mrama.

Waziri Mkuu, Kassim Majaliwa akiwa na Maaskofu wa KKKT

Hata hivyo, barua hiyo imepokelewa kwa hisia tofauti na watumiaji wa mitandao ya kijamii ikizingatiwa kuwa suala hilo lilijadiliwa na kupita, iweje linaibuka tena wakati huu ambapo kuna utulivu na yale mambo waliyoyapigia kelele na maaskofu  yamepungua ikiwemo kuteswa, kupotea kwa watu na vitisho dhidi ya viongozi wa kisiasa.

 

Wananchi bado wanawaamini viongozi wa dini

Wadau mbalimbali wa masuala ya kijamii wamesema kama kweli barua hiyo imetolewa na serikali, inaweza kuchochea taharuki zaidi kwa waumini wa kanisa hilo na wananchi kwasababu linagusa moja kwa moja imani zao.

Amebainisha kuwa bado waumini wengi wana imani na viongozi wao dini na kwamba yale wanayotamka yanakuwa na nia njema kwa jamii yao. Na katika muktadha huo serikali inapaswa kuwa makini ili kuepusha matatizo zaidi yanayoweza kutokea.

Akizungumza na FikraPevu, Katibu wa Jukwaa la Wahariri Tanzania (TEF), Neville Meena amesema kama serikali ilibaini kuna tatizo kwenye usajili wa Baraza la Maaskofu la KKKT ingekaa na wahusika na kulimaliza kuliko kujitokeza hadharani na kuendeleza jambo ambalo limepita.

“Mimi namwamini Mungu kuliko serikali na viongozi wangu wa dini hasa Maaskofu. Hivyo serikali inapaswa kuwa makini na mambo yanayogusa imani za watu. Katika hili walipaswa kutafakari sana jinsi ya kushughulika nalo. Vinginevyo halina afya kwa ustawi wa taifa letu,” amesema Meena.

Amesema Maaskofu walitimiza wajibu wao wa kuonya kabla mambo hayajaharibika na serikali inapaswa kuyafanyika kazi yale yalyotajwa kwenye waraka au kukaa kimya ili kuepusha migongano isiyo na faida kwa taifa.

Continue Reading

Must Read

Copyright © 2018 FikraPevu.com