Connect with us

Education

Historia ya Shule ya Msingi Nachingwea imebaki katika ‘kava’ la daftari…

Published

on

Historia ya shule ya msingi Kiegei katika kata ya Kiegei wilaya ya Nachingwea mkoa wa Lindi, imebaki katika kava moja tu la daftari, lakini shule hiyo inakabiliwa na uhaba wa vitabu, vitendea kazi vya kufundishia na walimu.

Historia-ya-shule

Historia ya shule katika 'kava' la daftari

Shule hiyo iliyojengwa mwaka 1921 na wa Wakoloni, kwa sasa iko katika hali mbaya sana, haina walimu, hakuna vitabu, hakuna makabati ya kutunzia vitabu na majengo chakavu.

Mwalimu mkuu wa shule hiyo Fred Mchekenje alisema kuwa, shule inakabiliwa na changamoto nyingi sana kwa sasa, kuna walimu watatu tuu shule nzima na wanafunzi wako 650, hakuna vitabu vya kufundishia na kujisomea kwa wanafunzi, kwa sasa kuna vitabu 20 tu vya masomo mbalimbali shuleni hapo, pamoja na vitendea kazi kama chaki hakuna pamoja na ubao wa kuandikia umechaa maandishi hayaonekani vema.

Fred-Mchekenje

Mwalimu Mkuu wa shule ya msingi Kiegei Fred Mchekenje akinionesha historia ya shule hiyo iliyopo ndani ya kava la daftari

"Uhaba wa walimu, vitabu na vitendea kazi vya kufundishia darasani, vinachangia kushusha ufauru wa wanafunzi hapa shuleni na kuchangia ongezeko la utoro na mimba za umri mdogo kwa wanafunzi wa kike,"alisema Mchekenje.

Mchekenje alisema kuwa  mwaka 2012, matokeo ya darasa la nne yalikuwa mabaya sana, walifanya mtihani watoto 95, walifauru watoto 8 wavulana 6 na wasichana 2. Kwa sasa tunahitaji walimu 15 pamoja na vitabu 300 vya kufundishia masomo mbalimbali na chaki ya kuandikia ubaoni.

Juma Ramadhini ni mwanafunzi wa darasa la tano katika shule hiyo, lakini toka amenza darasa la kwanza hajawahi kusoma kitabu chochote kile zaidi ya mwalimu kuwasomea na kuandika ubaoni anapoingia darasani.

wanafunzi-vitunguu

Baadhi ya wanafunzi wakiwa darasani huku nyuma ya darasa kukiwa kumeanikwa vitunguu vya mwalimu

"Nipo darasa la tano sasa lakini sijawahi kusoma kitabu toka nimeingia darasa la kwanza, naambulia kuliona kava ya nje ya kitabu pale mwalimu apoingia darasani kutufundisha, hata kusoma pia ni tatizo kwangu nachojua ni kuandika jina langu pekee lakini kusoma kitabu au gazeti siwezi,"alisema Juma.

Kwa upande wake Afisa elimu wa shule ya msingi katika wilaya hiyo Makwasa Bulenga alisema kuwa, tatizo la ukosefu wa vitabu na walimu katika shule za msingi wilaya ya Nachingwea ni kubwa sana, ndio chanzo cha wanafunzi kuferi masomo mbalimbali kwa sababu ya kukosa vitabu na walimu shuleni.

Bulenga alisema kuwa, Mwaka 2012 wanafunzi 3,636 walifanya mtihani wa kumaliza darasa la saba, wanafunzi 10,39 ndio waliofauru kujiunga na sekondari, wavulana 583 na wasichana 456 sawa na asilimia 28.5.

"Ufaulu wa wanafunzi unashuka mwaka hadi mwaka kwa sababu ya kutokuwa na walimu na vitabu vya kufundishia kwa wilaya mzima, kwa sasa kitabu kimoja kinatumiwa na wanafunzi zaidi ya 15, sasa hapo kunauwezekano wa mtoto kuelewa na kufauru inavyotakiwa,"alisema Bulenga.

Wilaya ya Nachingwea ina kata 32, kati ya hizo kata sita ziko mjini ambako kidogo kuna vitabu na walimu, lakini kata 26 za vijijini huko ndio hakuna walimu pamoja na vitabu vya kufundishia.

Idadi ya wanafunzi katika shule za mjini, wavulana 2,365 na wasichana 2,424 jumla ni wanafunzi 4,789, katika shule za vijijini idadi wa wanafunzi  wavulana 13,319 na wasichana 13,728 jumla ni 27,047.

Kwa idadi hii ya wanafunzi wa shule za vijijini, ambako hakuna vitabu, walimu na vitendea kazi je? wanafunzi watajua kusoma na kuandika na kufauru katika mitihani mbalimbali? hii ni changamoto inahitaji kuangaliwa kwa jicho la pekee ili tuweze kupata viongozi bora nchini hapo baadae.

Continue Reading
Click to comment

Leave a Reply

Your email address will not be published. Required fields are marked *

Education

Kwanini ni vigumu kuomba msaada?

Published

on

Ni matarajio au matamanio ya kila mtu kusaidiwa kukamilisha jambo fulani. Iwe kazini au kwenye shughuli yoyote ya kijamii, utahitaji watu wenye ujuzi na maarifa tofauti tofauti kufanikisha malengo yako. Mfano, wachezaji wakiwa uwanjani wanacheza kwa kusaidiana kila mmoja katika nafasi yake ili kuifunga timu pinzani na kuibuka na ushindi.

Hakuna jambo lolote linaloweza kukamilika bila ya kuwa na usaidizi wa namna fulani. Lakini umewahi kujiuliza kwanini ni vigumu kwa watu kuomba msaada?

Jibu linatolewa na Mwanasaikolojia ya Jamii, Heidi Grant anaeleza kuwa, kilichopo nyuma ya kuomba msaada ni hofu ya kukataliwa ambayo imekita mizizi katika saikolojia ya uumbaji wa mwanadamu.

Katika kitabu chake kiitwacho, Reinforcements anaandika kuwa kuomba msaada ni jambo lisilopendeza linalomfanya mtu ajisikie mgonjwa.

Hilo linathibitishwa na Mtaalamu wa Saikolojia mwingine nchini Marekani, Stanley Milgram ambaye alifanya jaribio la utii na mamlaka ambapo aliwaelekeza wanafunzi wake ambao walikuwa wamesimama ndani ya treni kuomba nafasi ya kukaa kwenye viti. Anasema majibu aliyopata ni kwamba wengi wao waliogopa kuomba msaada huo. “Niliogopa ningesingeweza,” alisema mmoja wa wanafunzi.

Lakini  Milgram aliamua  kuomba siti na akakubaliwa , “ Kichwa changu kilizama katikati ya miguu yangu na nilihisi nimepigwa na butwaa,” anaandika. “Sikufanya wajibu wangu. Nilikuwa najisikia kama naenda kupotea.”

Muitiko huo ambao Grant ameuelezea unahusiana na tabia za kijamii ambazo zimeunganishwa kwenye ubongo wa mwanadamu tangu karne nyingi za uumbaji. Kama wanyama wengine, binadamu wameumbwa kupata msaada kutoka kwa familia na jamii zao ili waweze kuishi. Lakini inafika wakati tunaogopa kuomba msaada hata kama tuna shida.

 

Kwanini watu wanaogopa kuomba msaada?

Zipo sababu mbalimbali ambazo zinasababisha watu kuogopa kuomba msaada ni kupoteza  hadhi na heshima katika jamii. Wapo baadhi ya watu wana hadhi fulani ambayo anahisi akiomba msaada kwa watu  atadharaulika. Pia kukataliwa, siyo kila ombi linakubaliwa, mengine yanakatiliwa; hofu hiyo huwazuia watu kuomba msaada. Wakati mwingine ukiomba msaada inakuwa ni njia ya watu kufahamu matatizo yako na kuwaambia wengine; jambo linaloweza kutengeneza huzuni katika maisha.

Grant anaeleza kuwa kuomba msaada kunakuweka wazi zaidi na hatari za kijamii ambazo zinaweza  kudhihirisha unyonge  na kukaribisha maumivu.

Anaeleza zaidi kuwa inatengeneza huzuni, na kukaribisha uwezekano wa kukataliwa. “Hajalishi, ndiyo maana tunaogopa kuomba msaada kama tunavyogoopa maradhi,” ameandika. “Maradhi yanaweza kuwa  na hatari ndogo kwetu ukilinganisha na kuomba msaada.”

Hata hivyo, ni mara chache sana matokeo hasi tuliyoyaona hapo juu kutokea mara tunapoomba msaada. Katika utafiti mwingine, Mwanasaikolojia  Vanessa Bohns alichunguza sampuli ya watu 14,000 ambao walitakiwa kuomba msaada. Na alibaini kuwa idadi kubwa ya walioomba msaada walikuwa na uwezekano mkubwa wa kupata kuliko ambavyo walikuwa wanaamini awali.

Katika semina mbalimbali, Mhamasishaji, Antony Luvanda amekuwa akisisitiza kuwa kuomba msaada siyo ishara ya unyonge bali ni ishara kuwa umeimarika kimaisha.

Kwa maneno mengine, inaweza kuwa rahisi kupata msaada kuliko kuomba.

Continue Reading

Education

Utunzaji nyaraka za serikali katika kijiji cha Magalata

Published

on

NYARAKA mbalimbali za serikali na kumbukumbu za ofisi ya kijiji cha Magalata, kilichoko katika wilaya ya Kishapu, ziko hatarini kuharibika na kulowana na maji iwapo mvua zitanyesha.

(more…)

Continue Reading

Education

Kishapu: Wanafunzi Magalata huponea njaa shuleni

Published

on

WANAFUNZI wa shule ya msingi Magalata, wilayani Kishapu, wameendelea kuhudhuria vizuri shuleni tangu utaratibu wa kutoa huduma ya chakula ulipoanza.

(more…)

Continue Reading

Muhimu Kusoma

Copyright © 2018 FikraPevu.com