Connect with us

Habari Mbalimbali

Chanzo cha mauaji ya watuhumiwa Mbeya chaelezwa

Published

on

Dhana ya kuwa watuhumiwa wakikamatwa na kufikishwa katika vituo vya polisi wanaachiwa imechangia kukithiri  kwa matukio ya Wananchi kujichukulia sheria mikononi kwa kuwaua kwa vipigo au kuwachoma moto watu wanaotuhumiwa kwa uhalifu. 

Mauaji yanayotokana na wananchi kujichukulia sheria mikononi mwao badala ya kuwafikisha watuhumiwa katika vyombo vya kisheria ni moja ya changamoto kubwa inayoukabili Mkoa wa Mbeya na vitongoji vyake na kuwa kikwazo utekelezaji wa shughuli za kisheria na za kimaendeleo za Mkoa.

Mkuu wa Mkoa wa Mbeya Abbas kandoro anasema  matukio hayo yanatokana na baadhi ya Wananchi  kutozingatia  utawala wa sheria ambapo wamekuwa wakijichukulia sheria mkononi kwa kufanya mauaji na uharibifu wa mali ikiwa ni pamoja na watuhumiwa kupata ulemavu  maisha.

“Hili ni tatizo  kubwa katika Mkoa wetu baadhi ya wananchi wamekuwa wakijichukulia  sheria mkononi kwani tumeshuhudia matukio ya watu kuzikwa wakiwa hai wakichomwa moto na kupoteza uhai wao lakini pia wengine wamekuwa wakipigwa kwa  silaha mbali mbali  za jadi hadi kufa”anasema

 Kamanda wa polisi Mkoa wa Mbeya Ahmed Msangi anasema kuwa katika kipindi cha mwaka jana  2013 kulikuwa na  jumla ya matukio  123 ya wananchi kujichukulia sheria mkononi ambapo vifo vilivyotokana na matukio hayo vilikuwa 124.

 Anaeleza kuwa  kati ya matikio hayo 103 yalitokana na wizi wa kawaida ,matukio matatu yalikuwa ya watu kuzikwa hai kutokana na imani za kishirikina,manne wananchi kuua majambazi,matano wezi wa mifugo na manne yalikuwa ya watu kulipiza kisasi.

 Kamanda Msangi anasema kuwa katika kipindi cha mwaka 2012 kulikuwa na mtukio 117 ambapo yalisababisha vifo 117 na kati ya hayo matukio 84 yalitokana na  wizi wa kawaida,matatu imani za kishirikina,matani wananchi kuua majambazi na manne ni wizi wa mifugo.

“Katika kipindi hicho cha mwaka 2013 matukio madogo yalikuwa 233 na mwaka 2012 yalikuwa matukio madogo  216 ambayo hayakusababisha vifokwani wakati wa kufanyika kwa matukio hayo watuhumiwa waliokolewa  ambapo wengi wao walijeruhiwa  na hata kubaki na vilema vya maisha”anasema. 

Msangi anaeleza kuwa matukio hayo yanasabishwa na imani za kishirikina,wananchi kutokuwa na  uelewa wa sheria  na taratibu za nchi baadhi yao wananchi kuamini kuwa mtuhumiwa akikamatwa na polisi ndiyo kufungwa na kutokuwa  na utii bila shuruti.

Anasema kuwa sababu nyingine uwepo wa adhabu mbadala zinazotolewa na mahakama  kwa mujibu wa sheria kama vifungo vya nje,ambapo mshitakiwa ana kuwa nje na jamii inamuona hivyo inasababisha wananchi kushikwa na hasira na kuamua kujichukulia sheria mkononi kwa kumshambulia kwa kumpiga na hatimaye kusababisha kifo.

“Lakini pia kuna changamoto kubwa ya Wananchi  kutojitokeza katika kutoa ushahidi mara wanapohitaji na kusababisha mahakama kumuona mshitakiwa hana hatia na hivyo kumuachia huru na kutoridhika na adhabu zinazotolewa na mamlaka husika inayotoa haki”anasema

Mikakati ya jeshi la polisi katika kukabiliana na tatizo hilo

Kamanda Msangi anasema kuwa mikakati waliyojiwekea katika kukabiliana na tatizo hilo ni pamoja na kuanzisha Polisi tarafa itakayo ikiongzwa na mkaguzi na askari polisi 15 ambao kila mmoja atakuwa na majukumu yake katika jamii inayowazunguka.

“Tumeamua kusogeza huduma karibu na jamii ambapo kutakuwa na polisi tarafa ana askari 15 ambao watafanyakazi  kwa ukaribu kuanzia nganzi ya tarafa hadi kijiji ikiwa ni pamoja kutoa elimu kwa jamii za jinsi ya utoaji wa taarifa zauhali ,mbinu za kupambana na uhalifu na jinsi ya kuchukua hatua dhudu ya watuhumiwa badala ya kujichukulia sheria mkononi kama ilivyo sasa” anasema

Anasemna kuwa mikakati mingine ni pamoja na askari wa upelelezi kuhakikisha wanafanya kazi kwa weledi na kutoa haki inayostahili ili kuwawezesha wananchi kuwa na imani na jeshi la polisi .

Aidha amewataka wananchi kujitokeza kutoa ushahidi mara wanapohitajika na kufuata sheria na taratibu za nchi na kutoa ushirikiano wa karibu na jeshi la polisi ili kuweza kuondokana na matukio ya kujichukulia sheria mkononi.

Kauli za Wananchi

William Simwali ni katibu wa chama cha watu wenye ulemavu wa ngozi Mkoa wa Mbeya anasema kuwa hatua ya wananchi kuamua kujichukulia sheria mkononi ni pamoja na kutokuwa na imani na vyombo vinavyotoa maamuzi mara watuhumiwa wanapokuwa wamekamtwa.

“Wanapokuwa wamepelekwa  kwenye vyombo vya maamuzi haki huwa haitolewi na kusababisha watuhumiwa kuonekana mitaani hivyo inasababisha wananchi kuamua kutumia njia  hii ya kujichukulia sheria mkononi kwa kuamini kuwa ndiyo kumaliza tatizo”anasema

Joseph Mwazembe mkazi wa  Ilemi jijini Mbeya  anasema kuwa sababu nyingine ni kutokana na imani za kishirikina  kwa kuamini kuwa suluhu ya  kupunguza vitendo vya kishirikina  ni kuwapoteza waondoke dunia kwani hakuna hatua nyingine ya kupunguza vitendo hivyo.

Naye Kiongozi wa mila wa kabila la Wasafwa Mkoa wa Mbeya (Chifu) Rocket Mwanshinga anaeleza kuwa hayo yote yanatoka  na kuporomoka kwa maadili ambapo vijana wengi wakuwa wakidharau mila na destuli pamoja na sheria na taratibu za nchi

“Huko nyuma matukio kama haya yalikuwa hayatokei kutokana na nguvu kubwa waliyokuwa nayo viongozi wa mila kwani walikuwa watumia nafasi waliyonayo katika kumaliza matukio ya kishirikina na uhalifu lakini kwa sasa tunadharauliwa hatuheshimu na hatushirikishwi na viongozi wa serikali za mitaa na vijiji mara matukio ya kishirikina na uhalifu yanapotokea”anasema

Anasema kuwa  sababu nyingine ni pale ambapo jamii inaona kuwa watuhumiwa wengi wanapokuwa wameshapelekwa katika vyombo vya dola wanaanchiwa na hivyo kuamua kuchukua uwamuzi wanaodhani  kwao ndiyo sahihi na katika vitendo vya ushirika wanaamini kuwa serikali haina uwezo wa kulishughulikia suala hilo kutokana na kutoamini ushirikina hivyo wanadhani kuwa njia sahihi ni kuchukua hatua yakufanya mauaji.

“Lakini pia chanzo cha matukio  kuwepo kwa matukio haya ni waganga wa kienyeji ambao wanapiga lamli kwani kufanya hivyo ni uchonganishi mkubwa ambao unasababisha kuzuka kwa matukio mengi ya mauaji kwa imani za kishirikiana kwani tumeshuhudia vikongwe wengi wakiuwawa  na wengine kuzikwa wakiwa hai”anasema

Anasema kuwa kinachotakiwa kufanyika ili kuweza kupunguza matukio hayo ni pamoja na serikali kushirikisha wazee wa mila “kwani tunauwezo mkubwa wa kuzuia matukio haya,hakuna asiyejua kama wanaoshiriki katika matukio ha uhalifu ni watoto wetu katika jamii inayotunzunguka hivyo ni rahisi kwetu kuanza kuchukua hatua za haraka kwa kuanza kumkanya mzazi wa mtuhumiwa na baadae mtoto mwenyewe ili kuweza kuzuia asiendelee kufanya vitendo vya uhalifu”anasema

Continue Reading
Click to comment

Leave a Reply

Your email address will not be published. Required fields are marked *

Biashara/Uchumi

‘Washirika wa maendeleo’ kuiwezesha Tanzania kiuchumi

Published

on

Serikali ya Tanzania imekubaliana na Washirika wa Maendeleo kurejesha uhusiano wa karibu na wenye tija ili kusaidia kuongeza ufanisi katika utekelezaji wa Mpango wa Taifa wa Maendeleo wa miaka Mitano pamoja na Mkakati wa Kukuza Uchumi Zanziba (MKUZA III).

Hayo yamebainishwa mjini Dodoma na Katibu Mkuu wa Wizara ya Fedha na Mipango, Doto James, wakati akifungua mkutano wa Mazungumzo ya kimkakati kama ilivyobainishwa kwenye Mwongozo wa Ushirikiano wa Maendeleo kati ya Serikali na Washirika wa Maendeleo.

James amesema kuwa Mwongozo huo ni wa miaka 7, kuanzia mwaka wa fedha 2017/2018 hadi 2014/2025, umelenga kuipa Serikali nafasi ya kuongoza mchakato wa maendeleo na kuijengea serikali uwezo wa kukusanya mapato yake ya ndani, kuchambua fursa muhimu za uwekezaji na kutumia masoko ya kikanda na kimataifa kupata faida.

"Tumekubaliana kwamba tutasimamia mchakato mzima wa maendeleo sisi wenyewe kama nchi, matumizi mazuri ya rasilimali, kuimarisha uwajibikaji, kukuza biashara na uwekezaji wa ndani na nje" amesema James.

Amesema kuwa nchi inajivunia hatua kubwa iliyofikiwa kiuchumi na kijamii ambayo Tanzania imefikia, ikiwemo kutambuliwa kimataifa kuwa kinara wa masuala ya ukuaji wa uchumi wa Taifa na uchumi jumuishi miongoni mwa nchi za Kusini mwa Jangwa la Sahara.

Akizungumza katika mkutano huo uliowashirikisha Washirika wa Maendeleo kutoka nchi mbalimbali duniani, Mratibu wa Umoja wa Mataifa na kiongozi wa washirika hao, Alvaro Rodriguez, ameahidi kuwa watashirikiana na Tanzania ili malengo ya maendeleo yaweze kufikiwa kwa kuimarisha ushirikiano ambao hapo awali ulianza kulegalega.

Ameeleza kuridhishwa na hatua zinazochukuliwa na serikali zote mbili za Tanzania Bara na Zanzibar katika kufanikisha malengo yake ya kukuza uchumi kama ilivyoainishwa katika Mpango wa Taifa wa Maendeleo (FYDPII) na Mkakati wa Kukuza Uchumi Zanzibar (MKUZA III).

Meza Kuu ikiongozwa na Mwenyekiti wa Mkutano kati ya Serikali na Washirika wa Maendeleo ambaye pia ni Katibu Mkuu wa Wizara ya Fedha na Mipango, Bw. Doto James (wa tatu kulia), anaefuata kulia ni Mwenyekiti Mwenza na Mratibu wa Umoja wa Mataifa na kiongozi wa washirika hao wa Maendeleo Bw. Alvaro Rodriguez, mjini Dodoma.

Amesema ili mipango hiyo iweze kufanikiwa kuna umuhimu wa kuishirikisha kikamilifu Sekta Binafsi pamoja na washirika wa maendeleo kwa kuweka mazingira ya kuongeza uzalishaji, kukuza ajira kwa vijana wa kike na wa kiume na hatimaye kufanya mapinduzi ya kiuchumi.

"Vijana takribani milioni moja wanaingia katika soko la ajira kila mwaka, hivyo ni muhimu kuweka mazingira ya upatikanaji wa ajira tena zenye staha katika kipindi hiki ambacho nchi inafanya mapinduzi makubwa ya viwanda na uchumi" alisisitiza Rodriguez.

Amesema kuwa uwekezaji katika masuala ya elimu, afya, hifadhi ya jamii, kutoa fursa sawa kwa wote (wanaume na wanawake) ni muhimu katika masuala ya uzalishaji.

Ameahidi kuwa Wadau wa Maendeleo wako tayari kusaidia jitihada hizo ili kuhakikisha kuwa Tanzania inafikia malengo hayo kwa kuwezesha miundombinu ya ukusanyaji mapato yake ya ndani, usimamizi na matumizi mazuri ya fedha za umma, kuiwezesha sekta binafsi kushiriki katika miradi ya maendeleo pamoja na kusaidia kuibua sera bora na kufadhili miradi yenye tija kwa taifa.

Serikali na Washirika wa Maendeleo wamekubalina kukutana mara mbili kwa mwaka ambapo kikao kingine kinatarajiwa kufanyika mwezi Novemba, 2018.

Continue Reading

Habari Mbalimbali

‘Zaeni mkaijaze Dunia’ yakwamisha uzazi wa mpango Kigoma

Published

on

BAADHI ya wanawake waliohojiwa mkoani Kigoma wamelalamikia  waume zao kuwa kikwazo kwao kujiunga na uzazi wa mpango kwa kuwa wao wanawachukulia kama chombo cha kuongeza familia kwa kuzaa watoto wengi kadiri inavyowezekana.

(more…)

Continue Reading

Habari Mbalimbali

Mji wa Dodoma wakabiliwa na Wimbi la Makahaba nyakati za Mikutano Mikubwa Kitaifa

Published

on

Biashara ya wanawake wanaouza miili yao inazidi kushika kasi katika mji wa Dodoma, hali ikijitokeza sana hasa wakati wa mikutano mikubwa ya kitaifa, ikiwemo Bunge na mingine ya vyama vya kisiasa.

Hata hivyo utafiti wa mwandishi wa makala hii umebaini kwamba asilimia kubwa ya wanawake wanaofanya biashara hiyo ya ngono wanatoka mikoa mbalimbali ikiwemo Morogoro, Dar es Salaam, Arusha, Mwanza Iringa na hata nchi jirani.

Wanawake hawa wanafanyia shughuli zao katika baadhi ya mitaa maarufu kama Dodoma In ambapo husimama kando ya barabara huku wengine hupanga chumba kimoja wakiishi wanawake watano hadi kumi kwaajili ya kufanya shughuli hiyo.

Kamanda wa Polisi mkoa wa Dodoma,kamishina msaidizi mwandamizi David Misime amesema kuwa tatizo hilo ni kubwa na linapaswa kufanyiwa kazi ili kunusuru afya za wananchi kutokana na maradhi kama vile ukimwi na mengineyo.

Kamanda Misime anasema kuwa katika kipindi cha mwaka 2013 hadi 2014 jeshi la Polisi lilifanikiwa kuwakamata wanawake na wasichana wanaofanya biashara hiyo 65 katika mitaa mbalimbali ya mji wa Dodoma.

Kamanda Misime anasema kuwa wanawake hao walifikishwa mahakamani ambapo miongoni mwao walihukumiwa vifungo na wengine walitozwa faini.

Kamanda Misime amewatahadharisha wanawake wenye tabia hiyo kuacha mara moja kwani jeshi lake bado linaendelea kuwakamata na kuwafikisha mahakamani.

Msichana mmoja aliyejitambulisha kwa jina la Asha Bakari mkazi wa Dar-es-salaam,akizungumza na mwandishi wa makala hii amesema kuwa huwa anakuja Dodoma kufanya biashara ya kujiuza lengo lake ni kutafuta fedha ili aweze kujikimu,msichana huyo ameeleza kuwa yeye pamoja na wenzake wana utaratibu wa kutumia mipira ya kiume kwa ajili ya kujikinga na ukimwi.

Msichana mwingine Mariam john (25) ,kutoka Morogoro amesema kuwa yeye anafanya biashara hiyo kwa lengo la kupata fedha kwaajili ya familia yake,kwani ana watoto wawili ,na mume wake alifariki dunia hivyo hana msaada kutoka sehemu nyingine zaidi ya kutegemea biashara hiyo.

Amesema yeye hutumia kondomu na akifanya na mwanaume tendo moja humchaji shilingi elfu kumi,lakini bila kutumia kondomu humchaji shilingi elfu kumi na tano.

Mbunge Inocent Karogeles wa Morogoro kusini,amesema yeye huja Dodoma na mke wake,hajui iwapo kuna wabunge wanaohusika na mambo hayo.

Amesema kuwa masuala hayo ni imani ya mtu binafsi,lakini sio jambo zuri kama wapo viongozi  wanaojamiiana na wasichana wanaouza miili yao .

Mbunge mwingine Peter Msigwa amesema kuwa yeye hajui lolote kama kuna wasichana wanaokuja Dodoma,wakati wa vikao vya bunge na mikutano mingine mikubwa ya kitaifa kwa ajili ya kufanya biashara ya ngono.

Kwa upande wake Abdsalaam Mohamed mbunge wa Jimbo la Mikumi amesema kuwa ni hali ya kusikitisha ambayo inaweza kusababisha maambukizi ya ukimwi kuendelea kuwa juu.

Amesema ipo haja kwa Serikali na taasisi mbalimbali kuwapitia wasichana hao katika maeneo yao na kuwapatia elimu na vipeperushi ili wabadili tabia.

Nao baadhi ya wakazi wa Dodoma,bwana James Nestory ambaye ni dereva wa teksi eneo la Jamatini amesema ni kweli kuna idadi kubwa ya wanawake katika mtaa wa Uhindini ambao huuza miili yao nyakati za usiku.

Amesema wengi husimama barabarani na kuita wanaume wanaopita kwa magari na hata wanaotembea kwa miguu.

Akizungumzia tatizo hilo mkuu wa mkoa Dodoma Dkt Rehema Nchimbi alielezea kusikitishwa na tabia hiyo,na aliwataka wasichana wenye tabia ya kuja Dodoma kwa lengo la kufanya biashara ya ngono kuacha mara moja na wajikite katika shughuli nyingine za ujasiriamali .

Amefafanua kuwa biashara hiyo sio tu inakwenda kinyume na tamaduni pamoja utu wa binadamu lakini pia ni dhambi na ni machukizo mbele za Mungu,mkuu huyo wa mkoa ameongeza kuwa ipo haja kwa wadau wote ,ikiwemo viongozi wa dini,tasisi zisizo za Kiserikali zikaunganisha nguvu kupiga vita tabia hiyo mbaya.

Kwa upande wake afisa ustawi wa jamii manispaa ya Dodoma bibi Hellen Minja ameeleza kuwa wanaandaa mkakati wa kupita maeneo yote wanaofanyia biashara hiyo haramu wasichana hao ili waweze kukaa nao na kuwapa elimu ya kushawishi waweze kuachana na tabia hiyo.

Baadhi ya wamiliki wa nyumba za kulala wageni mjini Dodoma,wamesema kuwa wateja wanaoingia kwenye nyumba zao hawawezi kujua kama ni wale wanaojiuza au wateja wa kawaida.

Miliki wa nyumba ya kulala wageni ya Kaita lodge anasema ni kweli wakati wa mikutano ya kitaifa wateja wengi huja bwana na bibi, tofauti na siku ambazo hakuna mikutano ya kitaifa.

Continue Reading

Muhimu Kusoma