Connect with us

Featured

CHADEMA yawavaa Kikwete, Bosi wa Usalama na IGP

Published

on

Chama cha Demokrasia na Maendeleo (CHADEMA) kimetuma ujumbe mzito kwa Rais Jakaya Kikwete, Mkurugenzi wa Usalama wa Taifa, Othman Rashid na Mkuu wa Jeshi la Polisi (IGP) Said Mwema, juu ya kauli za Naibu Katibu Mkuu wa CCM (bara) Mwigulu Nchemba kukihusisha chama hicho cha upinzani na njama za mauaji, kuwa tafsiri ya maneno ya kiongozi huyo yanatangaza uasi.

Kwa mujibu wa taarifa zilizoifikia FikraPevu, zinasema kuwa hatua hiyo ya jana ya CHADEMA kuamua kutoa kile walichodai ni 'elimu' kwa Rais Kikwete, Mkurugenzi wa Usalama wa Taifa na IGP Mwema, ni moja ya hatua zinazoandaliwa kuchukuliwa dhidi ya Mwigulu, hasa baada ya chama hicho kupata kile kinachodaiwa kuwa ni mpango 'mzima' ulioko nyuma ya kauli za Mwigulu.

Jana, CHADEMA kupitia kwa Mkurugenzi wa Oganaizesheni na Mafunzo, Benson Kigaila, mbele ya waandishi wa habari, kilisema "CHADEMA kiko tayari kushika dola, kuwatumikia wananchi. Tunajua mipango yao katika hayo maneno ya Mwigulu. Tunaelewa wanachotaka kufanya. Tuko imara."

Kauli hiyo ya Benson, ilifuatia baada ya kusema kuwa chama hicho kimeamua kutoa tafsiri kiliyoita kuwa ni sahihi kimantiki juu ya kauli za Mwigulu, kutokana na viongozi hao waandamizi wa masuala ya ulinzi na usalama, kuendelea kukaa kimya, hivyo kukubaliana na maneno yanayoenezwa kuwa CHADEMA kinafanya mipango ya mauaji.

"Tunataka kuwaambia wahusika wa usalama na ulinzi nchini, hususan Rais Jakaya Kikwete, Mkuu wa Jeshi la Polisi (IGP), Said Mwema na Mkurugenzi wa Usalama wa Taifa, Othman Rashid, nini maana ya tafsiri ya habari za kutunga, za Mwigulu Nchemba.

"Kwamba suala la yeye kusema CHADEMA inapanga mauaji, tunataka kumwambia Rais, IGP Said Mwema na Othman Rashid kuwa, kwa sababu wamekuwa kimya na kukubaliana na uzushi wa hatari wa Mwigulu, tafsiri yake ni kwamba Jeshi la Polisi limeasi na sasa linafanya kazi kwa maelekezo ya CHADEMA. Linatekeleza amri za CHADEMA!

"Tunasema hivyo kwa sababu, Watanzania na dunia inajua kuwa mauaji yenye utata yanayohusishwa na siasa, yamefanywa na Jeshi la Polisi. Ushahidi upo. Polisi wameua watu Arusha, polisi wameua watu Songea, polisi wameua mtu Morogoro, polisi wameua mwandishi wa habari, Daudi Mwangosi, polisi wameshiriki kuua, dunia nzima inajua.

"Orodha ya mauaji ya vitendo vya mauaji vinavyofanywa na Jeshi la Polisi nchini ni ndefu, kwa malengo ya kisiasa ya CCM. Lakini kama Mwigulu anasema hiyo ni mipango ya CHADEMA, maana yake ni kwamba kwa sababu jeshi ndilo linaua na ushahidi upo, basi Jeshi la Polisi linatekeleza mipango ya chama CHADEMAtafsiri yake ni kwamba Mwigulu anamaanisha jeshi limeshaasi," alisema Kigaila na kuongeza;

"Sasa mtu anayetangaza ‘uasi’ wa jeshi kwa kiwango cha kutekeleza mipango ya chama cha siasa badala ya kumsikiliza Amri Jeshi Mkuu, serikali inamnyamazia na kumchekea. Tumeitaka serikali kufanya uchunguzi huru kwenye matukio ya mauaji yanayohusishwa na siasa, ikiwemo tukio la kifo cha kada na kiongozi wa CCM huko Ndago, Singida, lakini wamekaa kimya. Badala yake unatungwa uongo ambao Mwigulu anaendelea kuueneza

"Tafsiri nyingine ya maneno hayo ya kutungwa anayoeneza Mwigulu ni kwamba vyombo vinavyohusika katika ulinzi na usalama, vimeshindwa kazi. Ni maneno ya aibu kwa Rais Kikwete, IGP Mwema na Othman Rashid.

"Kwamba wao wameshindwa kazi zao na sasa wamemkabidhi Mwigulu, ambaye ndiye anaweza kuingia kwenye vikao vya CHADEMA, akarekodi, kisha badala ya kuwapelekea hao wenzake, ili serikali ya chama chake ichukue hatua, anazunguka nao kulia kwenye vyombo vya habari! Na wahusika wamekaa, wanamsikiliza na kumchekea," alisema Kigaila.

Kuhusu kauli za Nape

Jana kulikuwa na maoni ya baadhi ya wanachama wa JamiiForums, baada ya kuwepo kwa taarifa za kuwa CHADEMA watakutana na waandishi wa habari jana makao makuu ya chama hicho, kuwa bila shaka kingezungumzia pia kauli za hivi karibuni za Katibu wa Itikadi na Uenezi wa CCM, Nape Nnauye, kuwa chama hicho kinakufa kwa kukumbatia ubaguzi, hivyo kukumbana na laana ya Mwalimu Nyerere juu ya dhambi hiyo.

Akijibu hoja hizo, Benson alisema kuwa chama hicho kitajibu upuuzi na hoja kwa uzito tofauti tofauti, lakini hakitakubali propaganda za CCM ziwapoteze mwelekeo wa katika kufanya kazi na kutimiza wajibu wa kila siku, katika kuwatumikia Watanzania.

"Kwanza, CCM kupitia kwa viongozi wao waandamizi, akiwemo Nape na Mwigulu,wanazunguka zunguka huko, kuwaambia Watanzania kuwa CHADEMA inakufa, tena wanatengeneza hata sababu za kifo, wanasema ni ubaguzi na kutokana na laana ya Mwalimu Nyerere.

"Tunataka kuwaambia hivi: Kwamba CHADEMA haina ubaguzi na hivyo haiwezi kufa leo wala kesho, mpaka iwe imetimiza kazi yake ya kuwakomboa Watanzania. Na bahati mbaya, CCM wanaona CHADEMA kitakufa, wanasahau kuona kuwa chama chao tayari kinakufa. Kama suala ni laana ya Nyerere. Laana hiyo haiko CHADEMA; iko ndani ya CCM kwa sababu mbalimbali, leo hapa tutataja chache," alisema Kigaila.

Alizitaja baadhi ya sababu hizo zinazoiua CCM, kuwa ni pamoja na laana ya mwasisi wake, Mwalimu Nyerere, ambaye aliwahi kukisema hadharani chama hicho, ikiwemo kukitungia kitabu kuwa kinanuka rushwa na kina kansa ya uongozi. Kigaila aliongeza kuwa sababu zingine ni dhambi ya ubaguzi waliyonayo CCM, akitolea mifano namna wana CCM wa kundi la mtandao, walivyomwita Dkt. Salim Ahmed Salim kuwa ni mwarabu na alihusika kumuua, Rais Abeid Karume.

Alisema pia CCM kina laana inayotokana na ubaguzi wa kutowezesha upatikanaji wa haki za msingi kwa makundi mbalimbali katika jamii, akitolea mifano ya wafanyakazi, wanafunzi kuanzia ngazi ya msingi hadi vyuo vikuu na hata manyanyaso wanayopata wazee wastaafu waliokuwa watumishi wa EAC.

"Mwalimu Nyerere wakati wa uhai wake, kwa kushirikiana na waasisi wengine,alijenga misingi ya utaifa wetu, ambapo CCM wameamua kuivunja kwa maslahi ya wachache. Akiwa bado hai, Mwalimu alitunga hata kitabu akasema CCM kimeoza na kinanuka rushwa. Akaongeza CCM kuna kansa ya uongozi na uchaguzi ndani ya chama hicho, ni gulio la wala rushwa (kura). Maneno hayo ni laana tosha.

"CCM kinapata laana ya Mwalimu Nyerere kwa sababu kimerasimisha ubaguzi kwa wanachama wao, viongozi wao na Watanzania kwa ujumla. Ni hawa hawaCCM wanaoeneza uongo wa hatari, wakiwatisha wananchi kwa kusema CHADEMA kina ukabila, mwaka 2005 walimzushia Dk. Salim Ahmed Salim uongo kuwa ni Mwarabu na alihusika na kifo cha aliyekuwa mmoja wa wasisi wa taifa hili, Abeid Amani Karume. 

"Uchafu ulifanywa na wana CCM wa kundi la wanamtandao ambao leo ndiyo wanaongoza chama na serikali na ubaguzi huu dhidi ya Dk. Salim ndiyo uliowafanya washinde uchaguzi wa ndani ya chama chao, kwenye kura za maoni;

"CCM kinakufa pia kwa sababu ya laana ya ubaguzi wa kuwezesha raia kupata haki zao na badala yake vyombo vya dola chini ya Serikali inayoongozwa na CCM viko mstari wa mbele kukiuka haki za raia. Ninyi ni mashahidi namna ambavyo baadhi ya makundi ya wafanyakazi yamekuwa yakibaguliwa katika kupata stahiki zao. CCM na serikali yake, imekuwa ikijibu kwa kauli za kejeli na vitisho, ikiwemo kutekwa na kuteswa kwa mmoja wa viongozi wa wafanyakazi na kisha kutupwa katika Msitu wa Mabwepande.

"CCM inayokufa tayari imeacha misingi yake ya kuwa chama cha wafanyakazi na badala yake imejichimbia kaburi kwa kuongeza pengo la tofauti za mishahara na maslahi ya wafanyakazi katika utumishi wa umma. Kwa upande mwingine, unaweza kuielezea vipi hali ya serikali ya CCM kutowalipa wazee wastaafu waliokuwa watumishi wa Jumuiya ya Afrika Mashariki, kama si ubaguzi! Wazee ambao wametumikia taifa hili kwa uwezo wao, akili zao na miili yao.

"Wenzao wote katika nchi nzingine zilizokuwa zikiunda EAC wakati ule, walishalipwa, isipokuwa hapa Tanzania ambapo chama kinachotawala kimeamua kufanya ubaguzi wa haki za watu, nani apate na yupi asipate. Itakumbukwa kuwa wazee wale kutokana na kuyumbishwa na kubaguliwa katika kupata haki zao, waliamua kuvua nguo barabarani, pia kwa kiburi na ukosefu wa heshima ya serikali ya CCM kwa wananchi, wakawachapa viboko wazee wale! Laana ya wazee hawa inakiua CCM," alisema Kigaila.

CHADEMA waibua upya hoja ya familia ya Nape

Katika mkutano huo na waandishi wa habari, Kigaila alisema kuwa kabla Nape hajahangaika kufanya utabiri wa kifo cha CHADEMA, kazi ambayo haiwezi, aanze kwa kutafuta ukoo wake, kwani inawezekana mambo ya 'hovyo' anayoyafanya au kutamuka, yanatokana na matatizo ya malezi tangu akiwa mtoto.

Akitumia tangazo la kumbukumbu ya miaka 10 ya kifo cha Marehemu Brigedia Jenerali, Moses Nnauye, Kigaila alisema Nape haonekani sehemu youote, kuanzia kwa watoto, wakwe, wajuu, hivyo kuendelea kutumia jina la mtu mwenye heshima kama baba yake, wakati haoneshi kuwa na heshima hiyo kama alivyokuwa Mzee Nnauye ni fedheha.

Continue Reading
2 Comments

2 Comments

  1. Lina Jensern

    29/01/2013 at 5:06 pm

    CCM WAACHE UBABE WATANZANIA TUMEWACHOKA

  2. enock gray

    31/01/2013 at 11:20 pm

    big  up  kumpasha  nape  kuhusu  ukoo  wake!!!!atuacheeeee  chademaaaa!!!!

Leave a Reply

Your email address will not be published. Required fields are marked *

Featured

UJASUSI: Jinsi kijana wa kiume kutoka New Zealand alivyojaribu  kumuua Malikia Elizabeth II

Published

on

Shirika la Ujasusi la New Zealand  (SIS) limethibitisha kwa mara ya kwanza kwamba kulikuwa na jaribio la kumuua Malikia Elizabeth II wakati alipotembelea jiji la Kusini la Dunedin mwaka 1981.

Jaribio hilo la kumuua Malikia linalodaiwa kutekelezwa na kijana wa kiume limechochea hamasa ya polisi kutaka kujua ni kwa kiasi gani wanausalama hao walifanikiwa kuzima njama hizo.

Taarifa iliyotolewa na SIS  zinaonesha kuwa kijana huyo, Christopher Lewis (17) alipiga risasi kuelekea kwa Malikia wakati akishuka kwenye gari lake ambapo alikuwa anaenda kushuhudia Maonyesho ya Sayansi yaliyofanyika Oktoba 14, 1981 katika jiji hilo. Tukio hilo lilitokea akiwa katika ziara ya siku 8 kutembelea nchi wanachama wa Jumuiya ya Madola.

“Lewis alidhamiria kumuua Malikia, hata hivyo hakuwa katika nafasi nzuri ya kurusha risasi, hata silaha iliyotumia haikuwa katika umbali wa kuweza kumfikia mhusika,” imesema taarifa iliyotumwa SIS kwa vyombo vya habari.

Lewis ambaye anatajwa kwenye taarifa ya ujasusi kama ‘kijana msumbufu’ hakuhukumiwa kwa jaribio la kutaka kuua au kosa la uhaini. Tukio hilo lilifanywa kuwa siri ili kuzuia sifa mbaya kwa nchi (New Zealand) ambayo ilitembelewa na mgeni wa heshima. Badala yake Lewis alihukumiwa kwa kumiliki silaha kinyume na sheria na kufyatua risasi.

                       Malikia Elizabeth II akiwa ameambatana na walinzi wake alipotembelea New Zealand

Inaelezwa kuwa watu waliohudhuria tukio la kuwasili kwa Malikia walisikia mlio wa risasi lakini Polisi waliokuwa wanasimamia usalama katika eneo hilo la Dunedin waliwaambia kuwa ilikuwa ni sauti ya kuanguka kwa kitu au magari kugongana.

“Uchunguzi wa sasa wa polisi juu milio iliyosikika umefanywa kwa umakini na wawakilishi wa vyombo vya habari wamepata mrejesho kuwa kelele zilisababishwa na baruti”, inaeleza ripoti kutoka SIS iliyotolewa mwaka 1981 baada ya kutokea tukio hilo.

Kulingana taarifa za ujasusi zinaeleza kuwa polisi wamekuwa wakifuatilia nyendo za Lewis tangu 1986 ambapo Malikia alitembelea tena New Zealand wakiogopa kuwa anaweza kutekeleza tena uhalifu huo. Kuwekwa wazi kwa siri hiyo kumewaibua polisi ambao wameanza kuchunguza upya kesi hiyo.

Zaidi ya muongo mmoja uliopita, Lewis alihukumiwa kwa mauaji ya mwanamke mmoja katika mji wa Auckland na kumteka mtoto wa kike ambapo baadaye alimtupa karibu na kanisa.

Kulingana na taarifa mbalimbali za wakati huo zinaeleza kuwa Lewis alijidhuru kwa umeme akiwa gerezani mnamo 1997 akisubiri hukumu ya kuua. Lakini alikana mashtaka ya kuua kwa ujumbe mfupi wa kifo (suicide note).

New Zealand ilipata uhuru mwaka 1947 kutoka kwa Uingereza lakini inamuheshimu Malikia kama kiongozi wa taifa. Ameitembelea nchi hiyo kama Malikia mara 10 na mara ya mwisho ilikuwa 2002.

Continue Reading

Featured

FREEDOM HOUSE: Tanzania ina uhuru kiasi, kufungiwa vyombo vya habari, kuzuia mikutano ya kisiasa kuididimiza kwenye nchi zisizo na uhuru kabisa

Published

on

Ripoti mpya iliyotolewa na taasisi huru ya Freedom House imesema misingi ya demokrasia ikiwemo uhuru wa vyombo vya habari na haki ya kukusanyika imeendelea kudhoofika nchini Tanzania na hali hiyo isiporekebishwa itaingia kwenye kundi la nchi zisizo na uhuru kabisa duniani.

Kulingana na  Freedom House  ambao walichambua data katika nchi 195 za ulimwenguni katika mwaka 2017 wamebaini kuwa nchi 88 zina uhuru,  58 zimejumuishwa kwenye kundi la nchi zenye uhuru kiasi huku 48 zikiwekwa kwenye kundi la nchi zisizo na uhuru kabisa.

Ripoti hiyo imebainisha kuwa misingi ya demokrasia ikiwemo uchaguzi usio huru na haki, uhuru wa kujieleza umeendelea kushuka kwa mwaka wa 12 mfufululizo duniani kote. Miongoni mwa matokeo yaliyostaajabisha ni kudhoofika kwa  Marekani ambayo ni mama wa demokrasia kutokana na uchunguzi unaofanywa na Mwendesha Mashtaka Maalumu kuhusu Urusi kuingilia uchaguzi mkuu wa mwaka 2016 ambao ulimpa ushindi Rais Donald Trump.

Tanzania imewekwa kwenye nchi 88 ambazo zina uhuru kiasi lakini inatahadharishwa kuwa inaweza kuingia kwenye nchi zisizo na uhuru kabisa. Tahadhari hiyo inatokana na mwenendo wa viongozi wa serikali kufungia vyombo vya habari, kuzuia mikutano ya hadhara ya vyama vya siasa, kushtakiwa kwa watumiaji wa mitandao ya kijamii kwa tuhuma za uchochezi na kukamatwa kwa wapinzani wa kisiasa ambao wanakosoa na kutoa mawazo yanayotofautiana na serikali.

Pia utekelezaji wa Sheria ya Takwimu ya mwaka 2015, Sheria ya Huduma ya Habari ya mwaka 2016 na Sheria ya Makosa ya Mtandao  ya mwaka 2015 umekuwa ukilalamikiwa na wadau wa maendeleo kuwa ni mkakati wa kudhoofisha uhuru wa kutoa maoni, uwazi na uwajibikaji.

Kituo cha Sheria na Haki za Binadamu (LHRC) nchini hivi karibuni kilitoa tamko la tathmini ya uchaguzi mdogo wa marudio wa kuchagua madiwani uliofanyika katika kata 43 kwenye mikoa 19 ya Tanzania  Novemba 24 mwaka jana ambapo kilibaini mambo mbalimbali ya ukiukwaji wa haki za binadamu.

Tathmini hiyo iliibua mambo mbalimbali ikiwemo matumizi mabaya ya nguvu ya vyombo vya dola, matukio ya watu kutekwa na watu wasiojulikana, watu kupigwa, kujeruhiwa  kwa lengo la kuharibu na kuvuruga uchaguzi  na vilevile kuwatia hofu wapiga kura.

 

Afrika Mashariki hali bado tete

Tanzania inaungana nchi nyingine za Afrika Mashariki ikiwemo Kenya na Uganda ambazo nazo zimewekwa kwenye kundi la nchi zenye uhuru kiasi huku za Rwanda, Burundi na Sudan ya Kusini zimejumuishwa kwenye nchi zisizo na uhuru kabisa.

Awali Uganda ilikuwa kwenye nchi zisizo na uhuru kabisa lakini imepanda hadi kwenye uhuru kiasi kwasababu ya  kuimarika kwa tasnia ya habari na utashi wa wanahabari, blogu na  uhuru wa wananchi kutoa maoni yao licha ya mazingira ya kisiasa kuminywa na utawala wa muda mrefu wa Rais Yoweri Museveni.

Rais Museveni mwenye umri wa miaka 73 amekuwepo madarakani  tangu 1986 amefanikiwa kubadilisha sheria  ya ukomo wa umri wa miaka 75 wa kugombea urais ambapo atapata fursa ya kugombea tena mwaka 2021. Chaguzi nchini Uganda zimekuwa zikitawaliwa na vurugu za polisi na wananchi, kuzimwa kwa intaneti na kuwekwa kizuizini kwa viongozi wa upinzani ikiwemo Kizza Besigye wa chama cha Forum for Democratic Change.

Kwa upande wa Kenya ambayo imekuwa ikisifika kwa kuimarisha misingi ya demokrasia katika ukanda wa Afrika Mashariki ambapo kwa mara ya kwanza mahakama ilifanikiwa kubatilisha matokeo ya uchaguzi wa Urais yaliyompa ushindi Rais Uhuru Kenyatta uliofanyika Agosti 2018. Uchaguzi ulirudiwa na Rais Kenyatta alichaguliwa tena.

Marudio ya uchaguzi yalilamikiwa na baadhi ya wachambuzi wa masuala ya kisiasa kuwa hayakuzingatia haki za binadamu ambapo watu ambao walipinga uchaguzi huo walikumbana na mkono wa dola. Matendo hayo ndiyo yaliiweka Kenya kwenye kundi la nchi zilizo na uhuru kiasi.

Burundi na Sudan Kusini zimewekwa kwenye kundi la nchi zisizo na uhuru kabisa kutokana na mapigano ya kikabila ambayo yamedhoofisha mfumo wa kisiasa wa kuongoza nchi. Vyombo vya habari na wananchi wanaotoa maoni tofauti na serikali wamekuwa wakiteswa, kufungwa na kuuwawa.

Chanzo: Freedom House           – Nchi zisizo na  uhuru  – Nchi zenye uhuru     – nchi zenye uhuru kiasi   

 

Hali ilivyo Afrika

Afrika kama zilivyo nchi za Afrika Mashariki hali ya demokrasia siyo ya kuridhisha ikizingatiwa kuwa asilimia 11 ya wakazi wapatao bilioni 1.02 wa bara hilo ndio wana uhuru wa kweli, huku 52% wana uhuru kiasi na 37% hawa uhuru kabisa.

Ripoti ya Freedom House inaeleza kuwa waliangazia nchi 49 za Afrika na kugundua kuwa nchi 8 (18%) ndio zina uhuru wa kweli, nchi 22 (43%) zina uhuru kiasi na 19 (39%) hazina uhuru kabisa. Nchi zinazotajwa kuwa na uhuru ni Afrika Kusini, Namibia, Botswana, Ghana, Togo, Senegal na Kisiwa cha Sao Tome.

 Sababu ya nchi nyingi za Afrika kuwepo kwenye kundi la zisizo na uhuru ni matokeo ya viongozi kukaa madarakani muda mrefu, vurugu za kisiasa na kikabila ambazo zimekuwa zikihatarisha haki za binadamu.

 

Demokrasia ya Dunia

Demokrasia ya dunia inakabiliwa na mzozo mkubwa wa kisiasa kuliko wakati mwingine ambapo mwaka 2017 ulishuhudia ukiukwaji mkubwa wa haki za binadamu ikiwemo kuminywa kwa  uchaguzi huru na kweli, haki za watu wachache, uhuru wa kujieleza, utawala wa sheria.

Nchi 71 kati ya 195 zimeshuhudiwa zikiteteleka katika kulinda haki za kisiasa na jamii ambapo ni nchi 35 tu ndizo zimeweza kulinda haki hizo. Kudhoofika kwa demokrasia kunaendelea kushuka kwa miaka 12 mfululizo na hatua muhimu zisipochukuliwa amani ya dunia itawekwa rehani.

Marekani ambayo ni bingwa wa demokrasia duniani nayo imeripotiwa na taasisi ya Freedom House kudhoofika katika kulinda haki za kisiasa na kijamii na kuzua mgongano wa mawazo miongoni mwa nchi zinazoibukia katika kujenga demokrasia ya dunia.

Tangu kuisha kwa vita baridi, nchi nyingi ziliachana na utawala wa kiimla na kugeukia demokrasia ya vyama vingi lakini hali hiyo imeanza kujitokeza tena ambapo idadi ya viongozi wanaoongoza kwa udikteta inaongezeka.

 

Uhuru wa nchi moja unategemea uhuru wa nchi zote

Demokrasia itabaki kuwa tunu muhimu kwa jamii zilizostaarabika, ikifungua milango ya uwazi, mawazo na fursa mpya na zaidi ya yote kulinda uhuru wa mtu mmoja mmoja. Ikiwa watu duniani kote wanadai mazingira mazuri ya kisiasa ni dhahiri wanakumbatia misingi ya demokrasia: uchaguzi huru, uhuru wa kujieleza, uwazi na uwajibikaji wa serikali, utawala wa sheria ambao hauingiliwi na polisi, jeshi au taasisi nyingine za nchi.

Hata hivyo, Karne ya 21 imeshuhudia ugumu wa kuifanya demokrasia kuwa endelevu ambapo baadhi ya nchi zinatekeleza lakini zingine zinapuuza. Utawala wa kidekteta wa Urusi na China unatambua wazi ili uendelee kuwepo unahitaji kuimarisha demokrasia katika nchi nyingine ili ziendelee kufaidika na mahusiano ya kidiplomasia. Ukuaji wa  demokrasia ni kulinda haki za watu wote duniani kupitia utandawazi   

Continue Reading

Afya

Is Tanzania’s Adolescent Fertility Rate Three Times Higher Than Global Counterparts?

Published

on

The Comprehensive Community-Based Rehabilitation in Tanzania (CCBRT), an organization ​which works to provide affordable medical and rehabilitative services for mothers and newborns throughout Dar-es-Salaam, marked World Contraception Day on September 26 with a call for more efforts to meet the reproductive health needs of teens between 15 and 19 years old.

The report highlights a worrying statistic — Tanzania’s adolescents are having almost three times as many children on average as their global counterparts, with 135 births per 1000 girls reported in the country, compared to an average of 44 per 1000 girls aged 15–19 worldwide in 2015.

CCRBT attributes the high adolescent fertility rate to a lack of access to contraceptive services, with Technical Advisor for Nursing Bola Abbas saying, that only about 8 per cent of current family planning clients are between the ages of 15 to 19.

On a national scale, Abbas explains, demand for family planning among adolescent girls is still very low, with only one out of every three of those who are sexually active within the 15 to 19 age group using modern contraceptive methods.

So the question is, how does Tanzania’s adolescent fertility rate compare to that of the rest of the world?

Pesacheck investigated the claim that Tanzanian adolescents are having three times as many children as their peers in the rest of the world and found that the statement is TRUE for the following reasons:

Tanzania’s adolescent fertility numbers are rather high, with 4.4% of girls aged 15 having given birth according to the country’s Demographic and Health Survey.

The Sustainable Development Goals call for countries to ensure universal access to sexual and reproductive healthcare services, including family planning, information and education, and the integration of reproductive health into national strategies and programmes by 2030.

The indicators for this goal are the proportion of women of reproductive age (15–49 years) who have their need for family planning satisfied with modern methods, and the adolescent birth rate (10–14 years and 15–19 years) per 1,000 women in that age group.

For several sub-Saharan countries, Tanzania included, access to modern family planning methods is low for this particular age group, and as a result, the regional average is 105 births per 1,000, which is more than double the global average.

Tanzania’s National Bureau of Statistics produced a national fertility and nuptiality report based on data from the 2012 national census, which shows that Adolescent Fertility Rate (AFR) was 81 births per 1,000 women aged 15–19.

The report further shows that in 2012, 23.3% of adolescent girls in the country had given birth to at least one child. Additionally, 42.2% of girls who had never attended school had given birth, compared to just 9% of those who had reached university.

This shows that there is a need for contraceptive access for teenage girls in Tanzania, especially for girls in rural areas and those with limited access to education.

The Tanzania Demographic and Health Survey 2015–16 indicates that 27% of girls aged 15–19 have given birth. Crude birth rates for girls aged 15–19 show that there 135 births per 1,000 girls in Mainland Tanzania and 132 per 1,000 girls in Zanzibar, way above the global average of 44. The data also shows that contraceptive access for this age group is also quite low, with 10.4% of girls aged 15–49 using any form of contraception.

It would therefore appear that the lack of access to contraceptives is contributing to the increased likelihood of adolescent girls getting pregnant.

So the claim by CCBRT that Tanzania’s adolescent fertility rate is almost three times the global average is TRUE. This is driven largely by a lack of access to contraceptives for young people in the 15–19 age group, and the relatively high levels of poverty that have driven many out of school and into early marriage.

As a result, the country is unlikely to meet the Sustainable Development Goal of overall good health and wellbeing of mothers unless it puts measures in place to ensure universal access to sexual and reproductive health-care services for girls and women of all ages.

Do you want us to fact-check something a politician or other public figure has said about public finances? Complete this form, or reach out to us on any of the contacts below, and we’ll help ensure you’re not getting bamboozled.

This report was written by PesaCheck Fellow Belinda Japhet, a Communications Consultant, Online Editor based in Tanzania. The infographics are by PesaCheck Fellow Brian Wachanga, who is a Kenyan civic technologist interested in data visualisation. This report was edited by PesaCheck Managing Editor Eric Mugendi.

Continue Reading

Muhimu Kusoma