Connect with us

Jamii

Ardhi ya umma yauzwa kwa tajiri kiaina

Published

on

Meshack Mpanda (Mwanza) — Wajumbe 27 wa Serikali ya kijiji cha Nyangho’mango katka kata ya Usagara Wilaya ya Misungwi Mkoa wa Mwanza wameuza ikari 80 katika kilima cha Ntende kijiji ni hapo kwa thamani ya shilingi 1,200,000/=

Eneo hilo lenye kilima limeuzwa Desemba 2004 kwa mwekezaji KASCO MINING CO. LTD wa jijini Mwanza kwa lengo la kupasua  mawe ili kuzalisha kokoto, uamuzi wa kuuza kilima hicho ulifikiwa na wajumbe hao siku ya Ijumaa tarehe 24, Desemba 2004 baada ya kufanyika kikao cha Serikali ya kijiji na mwakilishi mwekezaji huyo na wajumbe wote kutia saini  na kugonhwa mihuri wa Halmashauri ya kijiji hicho chenye usajili Namba MZ/VG/389.

Uchunguzi uliofanyika umegundua kuwa siku hiyo ya kusaini makubaliano pia malipo yalifanywa ambapo serikali ya kijiji hicho ilipokea fedha hizo kutoka kwa mwekezaji na kumwandikia mwekezaji huyo stakabadhi Namba 001 ya tarehe 24 Desemba 2004 iliyo sainiwa na Charles Bulugu aliyekuwa Afisa Mtenaji wa kijiji ambaye kwa sasa ni marehemu.
Makubaliano hayo ambayo mwandishi wa habari hizi alipata nakala yake inaonyesha kuwa KASCO MINING CO. LTD amemilikishwa eneo hilo na Serikali ya kijiji kwa miaka 50 hadi mwaka 2054 Ijumaa saa 11 Jioni Mkataba huu utakapokwisha.

Hata hivyo, uongozi wa Serikali ya kijiji katika Muhtasari wa mauziano ulimshauri mwekezaji huyo aweza kushirikiana na Wizara ya Ardhi na makazi il aweze kupata hati miliki inayotambuliwa kisheria kama unavyoelekeza sheria ya ardhi Na 5 ya mwaka 1999 lakini hadi habari zinaandikwa hati hiyo haijashughulikiwa

Mwandishi wa habari hizi alifanikiwa kufanya mahojiano na Mkurugenzi wa Kampuni ya KASCO MINING CO. LTD bwana Nuzrat  Ezat ofisini kwake na hakuweza kuthibitisha kupata hati miliki hiyo kutoka kwenye mamlaka husika “Bwana mwandishi document zote za mradi wa kusaga kokoto Ntende ziko Dar es salaam ambako tuna ofisi” alitabasamu Bwana Nuzrat Ezat. Hata hivyo umilikishwaji huo wa ekari 80 na serikali ya kijiji umefanyika bila kuzingatia sheria Namba 5 ya ardhi ya mwaka 1999 inayohusu ardhi ya vijiji na taratibu za umilikaji wake ambapo sheria hiyo inatambua umilikaji wa kimila wa ardhi na si vinginevyo.  Hivyo umilikaji wa ekari hizo kwa miaka 50 unahitaji kutazamwa upya na serikali.

Mwekezaji huyo amekwisha pata leseni ya madini namba 228/ 2005 iliyotolewa na aliyekuwa Waziri wa Nishati na madini Daniel Yona ambaye ameshitakiwa Mahakamani na serikali kwa tuhuma za matumizi mabaya ya madaraka na kuisababishea serikali hasara, kesi hiyo bado iko mahakamani ikiendelea kusikilizwa.

Leseni hiyo amabayo nakala yake ilipatikana  ilitolewa chini ya sheria ya mwaka 1998 kipengele cha 48 cha sheria ya madini kwa mwekezaji KASCO MINING CO. LTD wa S.L.P 271 TABORA ikiwa unamwelekeza eneo lake la leseni hiyo ni kata ya Buhongwa jiji la Mwanza.

Eneo hilo pia lilionyesha kwa Latitudo na Longitudo likiwa na ukubwa Kilomita za maraba 0.3602 katika hali hiyo utata umejitokeza kwa sababu mwekezaji huyu amewekeza katika kitongoji cha Ntende Wilaya ya Misungwi tofauti na leseni yake ya madini aliyoomba na kutaja eneo atakalowekeza.  Mwaka jana serikali iliunda tume kuchunguza Mikataba yote ya madini kwa sababu mikataba mingi  ilionekana ina utata.

Mwandishi wa kabari hizi alifika katka kitongoji cha Ntende na kushuhudia mwekezaji huyo akiwa amejenga nyumba yake ya kuishi na nyumba ya Meneja, pia amevuta umeme kwa gharama ya shilingi 300,000,000/= mwekezaji huyo amechimba kisima kirefu katika eneo lake ambacho kinahudumia wakazi wa eneo hilo bila malipo na kuchimba lambo la kunyweshea mifugo kwa gharama ya shillingi 70,0000,000/=

Pia barabara ambayo ilikuwa haipitiki kutoka Nyashishi kwenda  kitongoji cha Ntende yenye urefu wa kilomita tatu na nusu imekarabatiwa na mwekezaji huyo kwa shilling 40,000,000 na kwa sasa inapitika wakati wote.  Barabara hiyo imewekewa karabati kwenye madaraja na wanachi waliokuwa na mashaba wamefidiwa.

Uchunguzi uliofanyika kwenye mradi huo umegundua kuwa haujafanyiwa Tathimini ya Athari za Mazingira kama sheria Na. 20 ya 2004 ya Mazingira kipengele cha 46 (1). Mkurugenzi wa KASCO MINING CO. LTD alipoulizwa juu ya suala hilo alisema nyaraka zote kuhusu uwekezaji huu ziko Dar es salaam ambakokuna ofisi yake.

Sheria hii pia kipengele S. 81 (2) & (3) cha sheria kinavishauri vyombo vya fedha kama benki kutowapatia mikopo wawekezaji ambao watakuwa hautafanya Tathimini ya Athari za Mazingira kwenye miradi yao ili kuepuka uchafuzi wa Mazingira.

Naye Mkuu wa Wilaya ya Misungwi Mariam Lugaila amekiri kutofahamu uwekezaji wa KASCO MINING CO. LTD Wilayani kwake.  Na kuongeza kuwa hata suala la uuzaji wa kilima cha Ntende hafahamu. Mkuu wa Wilaya hiyo amesema kuwa kisheria uuzaji wa ekari hizo 80 ulitakiwa uamuzi upitishwe na wakazi wote wa kijiji hicho katika Mkutano mkuu wa hadhara na siyo wajumbe 27 kama ulivyofanyika.

Mkuu wa Wilaya katika mahojiano na mwandishi wa habari hizi yaliyofanyika ofisini kwake akiwepo kaimu Mkurugenzi wa Halmashauri hiyo Shaban Milao alimwagiza Afisa Ardhi na Mazingira katika Wilaya hiyo Mutasingwa Kishashu kumwandikia barua KASCO MINING CO. LTD kusitisha shughuli zake mara moja mpaka atakapo tekelekeza sheria ya Mazingira ya Taifa na kuo hati miliki kutoka Wizara ya Ardhi na Makazi Dar es salaam inayomruhusu kununua Ardhi “Ninakuagiza utekeleze hilo haraka kumwandikia mwekezaji huyo asitishe shughuli zake na nakala ya barua umpatie Mkuu wa Mkoa wa Mwanza kwa taarifa” aliagiza mkuu wa Wilaya hiyo Bi Mariam Lugaila.

Mkuu wa Wilaya hiyo alifafanua kuwa Wilaya yake ina migogoro mingi kati ya wawekezaji na wananchi kwa sababu katika hatua za awali za kuanzishwa miradi hiyo hasa ya uchimbaji madini uongozi wa Wilaya yake hauhusishwi. Mara nyingi wanahusishwa unapotokea mgogoro unaotishia amani ndipo wanapoombwa kupelekea jeshi la Polisi kulinda amani.

Hatua hiyo imeleta madhara makubwa baada ya kufanya ulipuaji wa baruti bila ya kutoa tahadhari kwa wakazi wanaozunguka eneo hilo.  Mkazi mmoja Charles Mpogoro ameliambia gazeti hili kuwa siku ya kulipua baruti jiwe la kilo 80 liliangukia juu ya paa la nyumba yake ya nyasi na kutua juu ya ndoo kubwa maarufu kama “diaba” “Bwana mwandishi unaona hili jiwe kubwa lingetua juu ya mtu lingemuua, ila tunashukuru Mungu ametuepusha na janga hili” alifafanua bwana Mpogoro.

Hata hivyo Charles Mpogoro ameongeza kuwa ni umbali wa mita mia nne kutoka walipolipua baruti hadi kwake lakini mawe yalinifikia.  Mwandishi wa habari hizi alishuhudia mawe yakiwa yamesambaa kwenye makazi yake na shambani.  Mawe mengine yalianguka juu ya makaburi sita ya ukoo na kaburi moja kubomolewa.

Charles Mpogoro ameishi kwenye eneo hilo tangu mwaka 1960 akiwa na wazazi wake lakini kutokana  na milipuko hiyo amelazimishwa kuhama na kulipwa shilingi Milioni 3,000,000/= kwa nyumba mbili za nyasi alizokuwa anaishi, makaburi sita ya ukoo na shamba,  mkazi huyu amehamia katika kitongoji cha Mayolwa.

Kaya nyingine ya marehemu Dalahile Shagembe nayo iliathirika na ulipuaji huo wa baruti na mawe kuangukia kwenye kaya hiyo.  Wasiwasi mkubwa umeikumba kaya hiyo.  Leticia Butemi mtoto wa marehemu Dalahile amesema kuwa siku mawe yanaanguka kwao yeye binafsi alikuwepo nyumbani kwa marehemu baba yake ambaye ameishi hapo tangu mwaka 1980.

Malalamiko haya yote yamepelekwa kwa Afisa Mtendaji wa kijiji cha Nyang’homango bwana Seleman Kilasi dhidi ya Kampuni ya KASCO MINING CO. LTD. Katka mahojiano na mtendaji wa kijiji hicho tarehe 18/08/2010 ofisini kwake alikiri kupokea malalamiko hayo na kuahidi kuyafanyia kazi.

Wataalamu wa Mazingira kutoka jiji la Mwanza Agosti 2008 waliandaa mpango wa kazi wa Mazingira (Environmental Management Plan (EMP) kwa Kampuni hiyo na kushauri itumie teknolojia ya kisasa ya kulipua miamba kwa baruti bila kuleta madhara na kutunza mazingira kulingana na sheria Na. 20 ya 2004 ya Mazingira.

Taarifa hiyo ambayo mwandishi wa habari hii alipata nakala yake inaiagiza Kampuni hiyo itumie teknolojia ambayo ni salama badala ya kutumia teknolojia ya zamani ambayo ilikuwa na madhara, na kuongeza kuwa teknolojia mpya haitoi vumbi ambalo lina athari kwa watu.

Kampuni hiyo pia ilishauriwa kutumia mashine ya kisasa ya kulipa miamba kwa baruti ijulikanayo kama 500E ambayo ndiyo inayokubalika kwa sasa.  Lakini mwekezaji huyu hakuzingatia.  Uchunguzi ambao umefanyika umegundua kuwa Kampuni hiyo haikuwa na mtaalamu wa kulipua miamba kwa kutumia baruti na ndiyo maana madhara makubwa yametokea.

Katika hali hiyo Mkurugenzi mtendaji wa Kampni ya KASCO MINING LTD CO. LTD katika mahojiano na mwandishi wa habari hizi amekiri kumwachisha kazi mtaalamu huyo bila kutaja jina lake kutokana na tatizo hilo.

Naye kamishina msaidizi wa madini kanda ya ziwa Victoria Bwana Salmu Salim baada ya kufanya mahojiano na mwandishi wa habari hizi ofisini kwake kuhusu tatizo la ulipuaji baruti katika Kampuni hiyo alikiri kutofahamu “Bwana mwandishi mimi ni mgeni katika ofisi hii ndiyo nalisikia hilo kwako na kwa kuwa limetokea nitalifuatilia kupata ukweli” alisisitiza Bwana Salim Salim.

Afisa mtendaji wa kijiji cha Nyang’homango Bwana Seleman Kilasi amekiri kutofahamu malipo ya fidia kwa wakazi walio ondolewa kumpisha mwekezaji huyo na wala ofisi yake haina kumbukumbu zozote. “ Sina kumbukumbu kwa sababu suala la fidia ni la watu wawili na halikuhusisha serikali ya kijiji” alifafanua Afisa Mtendaji huyo wa kijiji.

Hata hivyo, fidia hizo ni ndogo ukilinganisha na thamani halisi ya mali zilizokuwepo.

Kitongoji cha Ntende kina wakazi wapatao 720 ambao ni maskini na wanaishi chini ya dola moja kwa siku.  Nyumba wanazoishi ni za nyasi bila kuwa na huduma ya maji ya uhakika na watoto wao wanasoma kwenye madarasa yasiyo na sakafu wala madirisha.  Wakazo hao hawana huduma ya Afya na nyinginezo kwa ajili ya ustawi wa maisha yao.  Kwa kiasi kikubwa wamekata tamaa na maisha.

Juma Malenge baba mwenye familia ya watu saba mwaka 2006 alilipwa 650,000/= na Kampuni ya KASCO MINING CO. LTD. Fehda hizi zilikuwa fidia ya nyumba mbili za nyasi, ekari moja na nusu ya shamba na miembe minne iliyokuwa inazaa matunda, katika uchunguzi ambao mwandishi wa habari hizi ameufanya amegundua kuwa serikali ya kijiji na Wilaya haikuwasaidia ili walipwe malipo yanayostahili.

Mkazi huyu baada ya kuhama alikwenda kununua shamba jipya la ekari moja kwa shilingi 460,000/= na kujenga nyumba mbili za nyasi zenye thamani ya shilingi 20,000/=.

Kitongoji cha Ntende kiko Kilomita kumi na mbili kusini magharibi ya Jiji la Mwanza, na pia unapopanda mabasi kwenda Shinyanga kwenye barabara ya Lami kutoka jijini Kilomita 12 unafika kitongoji cha Nyashishi na kuelekea magharibi Kilometa tatu na nusu  unafika Kitongoji cha Ntende.

Wakazi hao wa Kitongoji hicho pamoja na kuonja adha ya mwekezaji wa mashine za kusaga kokoto vilevile wanaathirika na harufu mbaya ya dampo la jiji lililopo Buhongwa Kilomita mbili Mashariki mwa kitongoji hicho.  Na kipindi cha masika harufu mbaya ya dampo imekuwa kero kubwa kwao pamoja na moshi unaotoka hapo kutokana na kuchoma taka za viwandani ambazo ni sumu.

Mbali na harufu mbaya wakazi hao wanashindwa hata kula chakula kutokana na inzi wanaotoka kwenye dampo na kujaa kwenye chakula ,wakazi hawa wameiomba serikali kuhamisha dampo hilo kwa sababu lina hatarisha afya zao.  Mwandishi wa habari hizi akiwa kwenye kitongoji hicho alishuhudia harufu kali ya uchafu wa dampo na moshi ambao unatanda anga la dampo na kusukumwa na upepo hadi kitongoji cha Ntende.

Wakazi wa Kitongoji hicho wamebaki kama watoto yatima wasio kuwa na pa kusemea wala serikali ya kuwasaidia kilio chao dhidi ya matatizo ya athari za uchafuzi wa mazingira unaowapata na Mkataba mbovu wa fidia wanazolipwa baada ya ardhi yao kutwaliwa na mwekezaji, hiki ni kilio cha wakazi hawa ambao wamepaza sauti zao na kuomba zisikike na kuwaomba viongozi waliopewa kusimamia maslahi ya wanachi wanyonge kama hawa watoe nta kwenye masikio yao na kusikiliza kilio chao.

Continue Reading
1 Comment

1 Comment

  1. Mkama Mwijarubi

    28/03/2011 at 9:40 am

    si wanakijiji waandamane ama watafute namna ya kuushinikiza uongozi wao ufanye haki? Na mkuu wa wilaya anafanya nini mpaka sasa hivi?

Leave a Reply

Your email address will not be published. Required fields are marked *

Afya

Watumishi wa afya 200 kupatiwa mafunzo ya utoaji dawa ya usingizi kuokoa maisha wajawazito

Published

on

Kufuatia upungufu wa wataalamu wa dawa za usingizi (anaesthesia), serikali itatoa mafunzo ya dawa za usingizi kwa watumishi wa afya 200 katika vituo vya afya vya upasuaji wa dharura kwa akina mama wajawazito.

Hatua hiyo inakuja ikiwa imepita miezi 6 baada ya Chuo Kikuu cha Afya na Sayansi Shirikishi Muhimbili (MUHAS) kutangaza kuanza kutoa shahada ya dawa ya usingizi (Bsc. Anaesthesia Nursing).

Katika taarifa iliyotolewa na Kitengo cha Mawasiliano serikalini cha Wizara ya Afya, Maendeleo ya Jamii, Jinsia, Wazee na Watoto, inaeleza kuwa mafunzo hayo yatatolewa sambamba na uboreshaji wa huduma ya upasuaji wa dharura kwa wajawazito ili kuokoa maisha ya wanawake na watoto ambao hufariki kwa kosa huduma muhimu za uzazi kwenye vituo vya afya.

“Mkakati wa kuhakikisha huduma za afya kwa akina mama wajawazito zinakuwa salama na uhakika kwa kuandaa rasilimali watu, miundombinu ya majengo na vifaa vitakavyowezesha huduma hizi ikiwemo upasuaji wa dharura kwa akina mama wajawazito wakati wa kujifungua,” imeeleza taarifa hiyo.

Kwa mujibu wa takwimu za Wizara ya Afya, vifo 556 vitokanavyo na uzazi kwa kila viumbe hai 100,000 huripotiwa kila mwaka katika maeneo mbalimbali nchini. Maana yake ni kwamba watoto na wajawazito hufariki hasa wakati wa mama akijifungua.

Aidha, serikali itaboresha vituo vya afya 288 vya serikali vilivyopo nchini ili kuviwezesha kutoa huduma ya dharura ya upasuaji kwa wajawazito ambapo waaguzi katika vituo hivyo watapatiwa mafunzo ya dawa za usingizi ili kuokoa maisha ya akina mama na watoto wachanga.

Utekelezaji wa mafunzo hayo ni matokeo ya ushirikiano wa Wizara ya Afya na Mfuko wa Pamoja wa Afya ambapo zaidi ya sh1,079 bilioni zimepatikana kufakisha mafunzo hayo ya dawa ya usingizi kwa wauguzi na matabibu waliopo kwenye vtuo vya afya nchini.

“Fedha hizo zitasomesha watumishi wapatao 200, kati ya watumishi hao 100 watapata mafunzo yao katika Hospitali ya Taifa Muhimbili na MOI, watumishi 50 watafanya mafunzo katika hospitali ya KCMC, na 50 watafanya mafunzo hayo kwenye hospitali ya Bugando,” imefafanua taarifa ya wizara.

Lengo la serikali ni kuhakikisha ifikapo 2019 na kabla ya 2020 vituo vyote vya afya vinavyomilikiwa na serikali vinakuwa na watumishi maalum wa kutoa huduma ya dawa ya usingizi kwaajili ya wapasuaji wasiopungua wawili kwa kila kituo.

Mafunzo hayo ya mwaka mmoja ni mpito wakati serikali ikiendelea kukamilisha taratibu za kurasimisha utoaji wa shahada ya kwanza ya kutoa dawa ya usingizi katika Chuo cha MUHAS katka mwaka huu wa 2018/2019.

Hali halisi ya huduma ya dawa za usingizi nchini
Takwimu za wizara ya Afya zinaonyesha kuwa kuna upungufu mkubwa wa madaktari wenye utaalamu wa kutoa dawa ya usingizi hasa wakati wa huduma ya upasuaji ambapo kwa sasa waliopo ni asilimia 1.2 tu ya mahitaji yote.

Ili kuweza kukidhi mahitaji yote ya huduma hiyo wanahitajika madaktari 2000, lakini waliopo sasa ni madaktari 30 pekee.

Kufuatia changamoto hiyo Januari 31, mwaka huu wadau mbalimbali wa afya na elimu walikutana na kujadili namna ya kuondoa changamoto hiyo na kupendekeza mtaala utakaotumika kufundishia kozi ya Aesthesia kabla ya kuupeleka kwa Tume ya Vyuo Vikuu Nchini (TCU).

” Ni kweli kumekuwepo kwa changamoto hiyo ya watalaamu wa dawa hizo lakini sasa mpango huu ukikamilika maana yake tutaongeza idadi ya madaktari kamili maana hawa waliopo wengi ni wale ambao wamesoma kozi kwa mwaka mmoja au miwili.

” Mafunzo yakianza kutolewa hapa chuoni Muhimbili wataweza kuchukua wanafunzi 200, Bugando 50 na KCMC 50 jambo ambalo litaongeza idadi kubwa ya watalaamu ili kuweza kufikia lengo letu la kuwa na wataalamu 2000 nchi nzima,” alinukuliwa Katibu Mkuu wa Wizara ya Afya, Jinsia, Wazee na Watoto, Dk Mpoki Ulisubisya.

Continue Reading

Jamii

Waziri Mkuu Majaliwa: Hatutangazi nyongeza ya mshahara hadharani kuepusha athari kwa jamii

Published

on

Waziri Mkuu, Kassim Majaliwa ameweka wazi kuwa serikali haitatangaza nyongeza ya mishahara kwa watumishi wa umma hadharani ili kuepusha athari kwa jamii ikiwemo kupanda kwa bei ya bidhaa.

Akizungumza leo Bungeni wakati akijibu swali la Mbunge wa viti maalumu (CHADEMA), Susan Lymo ambaye alitaka kufahamu kwanini Serikali imewanyima au imeshindwa kuwalipa watumishi wa umma nyongeza ya mishahara ambayo ni haki yao ya msingi kulingana na miaka waliyokaa kazini.

Akijibu swali la Mbunge huyo, Waziri Mkuu Majaliwa amesema Serikali ina utaratibu wa kutoa nyongeza ya mishahara kwa watumishi wake lakini haitangazi kwa wananchi wote kama ambavyo imekuwa ikifanyika kwenye sherehe za wafanyakazi za Mei Mosi kila mwaka.

Amesema Serikali ikitangaza mishahara hadharani inaweza kusababisha usumbufu kwa watu wasio watumishi wa umma na inaweza kupandisha bei ya bidhaa na kuathiri mwenendo wa mahitaji ya wananchi sokoni.

Nyongeza za mishahara ambazo zinatangazwa hadharani, mara nyingi zina athari yake sio kwamba Serikali haikusudii kutoa nyongeza ya mshahara kwa mwaka, lakini unapotumia Mei Mosi kutangaza nyongeza ya mshahara unaleta athari kwenye jamii kwasababu vitu vinaweza vikapanda bei, vikawasumbua hata na wananchi ambao hawalipwi mshahara,” amesema Waziri Mkuu.

Amebainisha kuwa siyo lazima Serikali itangaze hadharani kila inapoongeza mishahara kwa watumishi wa umma lakini ifahamike kuwa Serikali ina utaratibu wake mzuri wa kuboresha stahiki za wafanyakazi wake kila mwaka.

Suala la nyongeza ya mishahara liko Serikalini na Mhe Rais ameishawahakikishia wafanyakazi atawaongeza mishahara na sio lazima litangazwe hadharani. Mshahara ni suala la mtu binafsi hata ukiongezwa leo kuwa tumeitangaza leo tumeongeza mshahara kwa kiwango hiki. Ukifanya hivi tayari umeleta kupanda kwa gharama’” amebainisha Waziri Mkuu.

Ameongeza kuwa mkakati wa Serikali ni kupunguza gharama za mahitaji kwenye masoko ili kuzuia mfuko wa bei za bidhaa.

Hata hivyo, Waziri Mkuu Mjaliwa amesema Serikali inaendelea kufanya sensa ya watumishi wote nchi nzima na zoezi hilo likikamilika itaboresha nyongeza ya mwaka, nyongeza ya mishahara na upandishaji wa madaraja.

Awali katika swali lake, Mbunge Lyima amesema Serikali inakiuka Sheria ya Utumishi wa Umma ya kuwapatia watumishi stahiki zao na kuwapunguzia motisha ya kufanya kazi kwa ufanisi katika maeneo yao ya kazi na kuathiri mafao baada ya kustaafu.

Hoja ya Mbunge huyo ni muendelezo wa malalamiko ya watumishi dhidi ya Serikali kwamba hawajapata stahiki zao tangu ilipoanza zoezi la ukakiki wa watumishi wa umma mwaka 2015. Katika zoezi hilo watumishi zaidi ya 9,000 walibainika kutokukidhi vigezo vya utumishi na hivyo kuondolewa kazini.

Huenda kauli aliyoitoa Waziri Mkuu leo Bungeni inaweza ikatofautiana na ile ya Rais John Magufuli aliyoitoa wakati wa sherehe za Mei Mosi, 2018 mijini Iringa ambapo alinukuliwa akisema hawezi kutoa nyongeza ya mishahara akidai Serikali haina fedha.

Kwangu mimi ninafikiria hizi pesa tunazotoa kwa ajili ya elimu bure ni nzuri kuliko fedha hizo kuzipeleka kuongezea mishahara, naona bora kuwapa mikopo wanafunzi wa vyuo vikuu kuliko kuongezea wafanyakazi mishahara,

Nikisema nitaongeza hizo pesa mimi nitazitoa wapi? naogopa kusema uongo. Hata mimi napenda kupandishiwa mshahara lakini kwa hali halisi ya sasa hivi lazima niwaeleze ukweli,” alinukuliwa Rais Magufuli.

Hata hivyo alibainisha kuwa kabla ya kuondoka madarakani ataboresha maslahi ya wafanyakazi wa umma, “Nawaahidi, kipindi changu cha urais hakitaisha kabla sijapandisha mishahara kwa wafanyakazi, kupandisha kwangu haitakuwa kwa shilingi elfu kumi, itakuwa ni kupandisha kwelikwel.”

Continue Reading

Jamii

Maaskofu KKKT wapewa siku 10 kufuta waraka

Published

on

Serikali imetoa siku 10 kwa Kanisa la Kiinjili la Kilutheri Tanzania (KKKT), kuufuta kwa maandishi waraka wao waliotuoa Machi 24 mwaka huu na kisha kuujulisha Umma kwa njia mbalimbali walizotumia kuusambaza.

Kanisa la KKKT kupitia Baraza lake la Maaskofu lilitoa waraka uliopewa jina la ‘Taifa Letu Amani Yetu’ wakati wa Pasaka ambao mbali na masuala ya kiroho, ulibainisha mambo kadhaa yanayogusa mstakabali wa taifa.

Katika mitandao ya kijamii leo imesambazwa barua yenye kumbukumbu no. SO.748/25 inayoonyesha imeandikwa na Ofisi ya Msajili wa Vyama Wizara ya Mambo ya Ndani kwenda kwa Mwenyekiti /askofu Mkuu wa KKKT iliyoandikwa Mei 30, 2018 ikitoa maelekezo ya kufutwa waraka huo ndani ya siku 10 tangu ilipoandikwa barua hiyo.

Ikiwa na kichwa cha habari ‘Ujumbe wa Baraza la Maaskofu wa KKKT’ barua hiyo inaeleza baraza hilo halitambuliki kisheria katika ofisi ya msajili.

“Unaelekezwa kuufuta waraka husika kwa maandishi na kuujulisha umma kuwa taasisi yako haikuwa na haina uwezo kisheria kufanya kile mlichokifanya. Maandishi hayo yaufikie umma wa Watanzania kwa kupitia vyombo vya habari na njia zingine zilezile zilizotumika kuufikisha waraka ule mliouita ‘Ujumbe wa Baraza la Maaskofu KKKT’.

Hata hivyo, barua hiyo imetoa onyo kali kwa taasisi hiyo dini nchi kutekeleza agizo mara moja la sivyo itachukuliwa hatua za kisheria.

“Maelekezo haya yatekelezwe ndani ya siku kumi tangu kupokea kwa barua hii vinginevyo hatua kali zaidi za kisheria zitachukuliwa dhidi ya taasisi hii,” inasema barua hiyo.

Ikumbukwe kuwa  waraka huo ulisainiwa na maaskofu 27 wa kanisa hilo nchini na kutaja baadhi ya mambo hayo kuwa ni pamoja na utekaji, utesaji, kupotea kwa watu, mashambulizi ya silaha dhidi ya viongozi wa kisiasa, mauaji yenye mwelekeo wa kiitikadi, vitisho, ubambikiziaji wa kesi, na matumizi mabaya ya vyombo vya dola dhidi ya wananchi.ni hali ya kijamii na kiuchumi, maisha ya siasa, na masuala mtambuka likiwamo suala la Katiba Mpya.

Waraka uliongeza pia kwamba uhuru wa kujieleza, kutoa na kupokea habari umeendelea kutoweka nchini huku ukionya kubanwa na hatimaye kuelekea kupungua kwa uhuru wa Bunge, Mahakama, na Tume ya Uchaguzi, ukisema hatua hii ni pamoja na kudhoofishwa kwa serikali za Mitaa.

Lakini kabla ya KKKT kutoa waraka wao, Kanisa Katoliki nalo lilitoa waraka kama huo likionya baadhi ya mambo ikiwemo uminywaji wa misingi ya demokrasia ya vyama vingi na uhuru wa kujieleza.

Baada ya kusambaa kwa waraka huo, yalijitokeza mambo mengi ikiwemo kutofautiana na kwa mawazo ya wananchi kuhusu wajibu wa viongozi wa dini katika kutoa ushauri, kuonya au kukemea pale mambo yanapoenda mrama.

Waziri Mkuu, Kassim Majaliwa akiwa na Maaskofu wa KKKT

Hata hivyo, barua hiyo imepokelewa kwa hisia tofauti na watumiaji wa mitandao ya kijamii ikizingatiwa kuwa suala hilo lilijadiliwa na kupita, iweje linaibuka tena wakati huu ambapo kuna utulivu na yale mambo waliyoyapigia kelele na maaskofu  yamepungua ikiwemo kuteswa, kupotea kwa watu na vitisho dhidi ya viongozi wa kisiasa.

 

Wananchi bado wanawaamini viongozi wa dini

Wadau mbalimbali wa masuala ya kijamii wamesema kama kweli barua hiyo imetolewa na serikali, inaweza kuchochea taharuki zaidi kwa waumini wa kanisa hilo na wananchi kwasababu linagusa moja kwa moja imani zao.

Amebainisha kuwa bado waumini wengi wana imani na viongozi wao dini na kwamba yale wanayotamka yanakuwa na nia njema kwa jamii yao. Na katika muktadha huo serikali inapaswa kuwa makini ili kuepusha matatizo zaidi yanayoweza kutokea.

Akizungumza na FikraPevu, Katibu wa Jukwaa la Wahariri Tanzania (TEF), Neville Meena amesema kama serikali ilibaini kuna tatizo kwenye usajili wa Baraza la Maaskofu la KKKT ingekaa na wahusika na kulimaliza kuliko kujitokeza hadharani na kuendeleza jambo ambalo limepita.

“Mimi namwamini Mungu kuliko serikali na viongozi wangu wa dini hasa Maaskofu. Hivyo serikali inapaswa kuwa makini na mambo yanayogusa imani za watu. Katika hili walipaswa kutafakari sana jinsi ya kushughulika nalo. Vinginevyo halina afya kwa ustawi wa taifa letu,” amesema Meena.

Amesema Maaskofu walitimiza wajibu wao wa kuonya kabla mambo hayajaharibika na serikali inapaswa kuyafanyika kazi yale yalyotajwa kwenye waraka au kukaa kimya ili kuepusha migongano isiyo na faida kwa taifa.

Continue Reading

Muhimu Kusoma